The Definitive Guide to Living in the Capital , Cairo , Egypt

طبعًا في رمضان الحلو بيكون طبق رئيسي في الإفطار، وفي كل الأوقات والأحوال المصريين بيحبوا الحلو ويقدروه، وبعد رمضان بيكون ميعادهم مع الكحك والبسكويت والبيتي فور، وده كمان أساسي من بعد صلاة العيد مع كوباية الشاي بلبن، ده إن مكانش من بعد الفجر.

علشان كده قررنا نطلب حلويات رمضان مع كحك العيد من بيستاشيو. في السطور الجاية هنقول لكم على تجربتنا من أول الطلب لحد ما تذوقنا المنتجات.

بداية بيستاشيو بيوصفوا نفسهم أنهم أول متجر حلويات متخصص في مصر، وهما للأسف معندهمش فروع ومراكز بيع، لكن تقدروا تطلبوا منهم أونلاين من خلال الويب سايت بتاعهم بيستاشيو دوت كوم.

طلبنا من عندهم العشق الأول عند المصريين “بسبوسة” والمرة دي طلبناها فور سيزون وكان سعرها 256 جنيه، وفي كل قطمة حكاية، وفكرة أن كل جزء بطعم مختلف كانت حلوة، وخاصة أن المكسرات كان طعمها حلو، وأكتر حاجة عجبتنا أن السكر بتاعها مظبوط لأننا مش بنحب السكر المبالغ فيه.

وكمان طلبنا من عندهم مدلوقة كنافة، وكان سعرها 230 جنيه، ورغم جودتها العالية إلا أننا مقدرناش ناكلها لأنها كانت تقيلة، ويمكن ده بسبب أننا جربناها بعد أكلة ديك رومي؟! 🙂 أو علشان الجبنة اللي فيها مش أفضل حاجة للمنتج ده؟! بس في المجمل هي كانت كويسة بس تقيلة علينا، لكن الفستق اللي فيها كان تحفة.

ودخلنا على المكس المشكل بتاعهم وكان سعره 257 جنيه، وهو كان عبارة عن شوية حلويات ملهاش أي وصف من كتر حلاوتها، وأكتر حاجة عجبتنا فيها أن المكسرات كانت طازة ومش مسترخصين، وده أعطى الحلويات طعم مختلف عن أي مكان جربناه في رمضان السنة دي.

أما منتجات العيد فطلبنا من عندهم علية اسمها “الهدية” وفيها كحك وغريبة وبيتي فور وبسكويت، ووزنها 1.8 كيلو، وسعرها 447 جنيه، وجودة الكحك كانت عالية جدًا، ومواصفاته مختلفة ومش سايبين تفصيلة إلا لما أخدوا بالهم منها، يعني الطعم حكاية وبيدوب في البق، ومش تقيل، وطعم الفلاحي باين فيه، وريحة جدودنا وقت ما كان الخبيز مهم في البيت هتكتشفوه في كل قطمة.

التوصيل في القاهرة الكبرى بيكون بأسعار تبدأ من 50 جنيه، ولازم تأكدوا عليهم ميعاد التوصيل لما تطلبوا في الملاحظات لو عاوزينه قبل أو بعد الإفطار، وتجربتنا كانت مميزة وانبسطنا منها، ولسه كمان بعد رمضان هنجرب من عندهم التشيز كيك وشوية حاجات تانية ونقول لكم رأينا.

تقدروا تعرفوا أكتر عن “بيستاشيو” من خلال صفحة الفيسبوك من هنا.

أو الاتصال على رقم 01224488388.