الشهادة البلاتينية وشهادة ابن مصر.. إزاي تستثمر أموالك وأنت في بيتك؟
الاسثمار في مصر البنك الأهلي المصري الشهادة البلاتينية بنك مصر خليك في البيت شهادة ابن مصر كورونا
Mohamed Talaat
فيه ناس كتير بتفكر حاليًا إزاي تستثمر أموالها من غير ما تتعرض لخطر الخروج من البيت واحتمالية التعرض لفيروس “كورونا” المستجد اللي أصبح بيحيط بينا حاليًا، واللي بيساعد في انتشاره التواصل الاجتماعي.
وفيه أفكار عملية لاستثمار الأموال بطريقة آمنة ومربحة في نفس الوقت، هنقولكم عليها في السطور الجاية.
الشهادة البلاتينية
من الحاجات المربحة اللي ممكن تعملوها الفترة دي، هي الشهادة البلاتينية اللي أعلن عنها البنك الأهلي المصري يوم 20 مارس 2020.
وأهمية الشهادة البلاتينية الجديدة هي أنها بتوفر لكم عائد كبير، نسبته 15% سنويًا، والجميل أنكم تقدروا تشتروا الشهادة من غير التوجه للفرع، يعني وأنتم في بيتكم.
وده لأنه البنك أعلن رسميًا إنه ممكن شراء الشهاده من خلال الإنترنت البنكي، والموبايل بانكنج، وكمان مركز الاتصال الخاص بالبنك ١٩٦٢٣، بالإضافة لإن العميل يقدر يصدر تعليماته هاتفيًا لمسئول الحساب في الفرع لشراء الشهاده وهو في بيته.
والبنك وفر شراء الشهادة عن بعد ضمن الإجراءات الوقائية اللي بيقوم بيها للحفاظ علي سلامه العملاء، وكمان الحفاظ علي صحه العاملين بالبنك، ولتقليل الزحام في الشوارع لمنع انتشار العدوي والفيروسات، خاصة فيروس “كورونا” المستجد.
شهادة ابن مصر
كمان بنك مصر أعلن مؤخرًا عن طرح شهادة ايداع ذات وعاء ادخاري بنسبة 15% تحت اسم “شهادة ابن مصر” بتصل مدتها لسنة كاملة، وبتبدأ بفئة 1000 جنيه ومضاعفاتها للأفراد الطبيعين من البالغين والقصر، وبيتم احتساب العائد من اليوم التالي لشراء الشهادة، وكمان تقدروا تستردوا قيمة الشهادة دي بعد 6 شهور من الاكتتاب فيها.
ويقدر كل عملاء بنك مصر الحاليين شراء الشهادات من خلال مركز الاتصال 19888، وكمان الموبايل البنكيBM Online.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
