The Definitive Guide to Living in the Capital , Cairo , Egypt

لما بنتكلم عن قصة تم تقديمها في أكتر من فيلم قبل كده، بيكون التحدي هو إعادة تقديمها من جديد بدون فقدان شغف المشاهدين، وده تحديدًا التحدي اللي بيخسره كتير من صناع السينما، لكن نجحت فيه “جريتا جيبوج” مخرجة  فيلم Little Women.

فيلم Little Women بيحكي عن قصة 4 بنات حياتهم بتنتقل من فترة الطفولة للمراهقة والشباب، في وسط تغيرات اجتماعية كبيرة، بتطرأ على المجتمع الأمريكي بعد نهاية الحرب الأهلية.

شخصية “جو” اللي قامت بيها “سيرشا رونان” كانت الشخصية اللي تم التركيز عليها بشكل كبير، ويعتبر سيناريو الفيلم متمحور حواليها، لكن ده لا يمنع إن شخصيات باقي الأخوات “ميج” و”إيمي” و”مارمي” كان عليهم بعض التركيز، وحسينا إن الشخصية اللي قدمتها “إيما واتسون” أو “ميج” كانت الشخصية الأقرب لقلبنا، وبشكل عام الأداء التمثيلي لكل أبطال الفيلم كان في أفضل حالاته.

في الحقيقة مش بس الأداء التمثيلي اللي كان كويس، الديكورات والأزياء كمان كانت أكثر من رائعة، حتى إن الفيلم كسب أوسكار أفضل تصميم أزياء للعام الحالي 2020 والحقيقة يستحقها بجدارة.