The Definitive Guide to Living in the Capital , Cairo , Egypt

يوم 22 يناير، هتتفح أبواب مركز مصر للمعارض الدولية في القاهرة الجديدة، لاستقبال جمهور معرض القاهرة الدولي للكتاب 2020، في دورته الـ51 للمرة الثانية على التوالي بعد نقله من أرض المعارض في مدينة نصر، وعلشان أهمية الحدث وكمية الناس اللي بتروح للمعرض، هنقولكم على كل التفاصيل اللي محتاجينها عن خطوط سير المواصلات داخل القاهرة الكبرى لمركز المعارض ومعرض الكتاب، واللي هتكون مخصصة للحدث ده، وكمان عليها ستيكر ملزوق بيوضح للناس أن الأتوبيس مشارك في نقل قراء معرض الكتاب.

المعرض السنة دي تقدروا تروحوا له عن طريق 6 خطوط أتوبيس، بخلاف مواقف الميكروباص الرئيسية في الميادين، (عبدالمنعم رياض، أحمد حلمى، السلام، السيدة عائشة، توشكى بحلوان)، وكمان فيه خطوط رسمية متواجدة طول الوقت من (حدائق القبة، أحمد حلمى، عبد المنعم رياض، شبرا الخيمة)، بخلاف الخطوط المخصصة في فترة المعرض.

الخط الأول هيكون طريقه (صقر قريش – كارفور المعادى – نادى وادى دجلة – الطريق الدائرى – معرض الكتاب”.

الخط الثاني (عبد المنعم رياض – رمسيس – العباسية – جامعة الأزهر – معرض الكتاب).

الخط الثالث (العباسية – نادى السكة – جامعة الأزهر – معرض الكتاب).

الخط الرابع (ميدان الجيزة – جامعة القاهرة – السيدة عائشة – الأتوستراد – جامعة الأزهر- معرض الكتاب).

الخط الخامس (النزهة الجديدة –  ميدان الحجاز – السبع عمارات – مكرم عبيد – مصطفى النحاس – المنهل – الوفاء والأمل – معرض الكتاب).

الخط السادس (الأميرية –  ميدان المطرية – الحلمية – كلية البنات – ميدان رابعة العدوية – الحي السابع – حى السفارات – معرض الكتاب).

كمان هيتم توفير خط استثنائي من “أرض المعارض” مكان المعرض القديم في صلاح سالم وهيوصلكم لحد مقر مركز مصر المعارض في التجمع الخامس، يعني ممكن ببساطة تروحوا مقر المعرض القديم في مدينة نصر، وهتلاقوا أمامه أتوبيسات تنقلكم للمقر الجديد.

خطوط معرض القاهرة الدولي للكتاب 2020 هتكون شغالة من الساعة 8 صباحًا حتى 10 مساءً، بواقع 150 أتوبيس، وزمن تقاطر 10 دقائق فقط، وأسعار التذاكر هتتراوح ما بين 5 حتى 8 جنيهات، وهيتم توفير أتوبيسات من هيئة النقل العام وشركة مواصلات مصر.

نشوفكم في مصر الكتاب.