The Definitive Guide to Living in the Capital , Cairo , Egypt

عارفين لما تبقوا مسافرين على طريق سفر طويل وممل وعاوزين تتفرجوا على فيلم يضيع الوقت؟ أو تلاقوا فيلم شغال في أتوبيس السوبر جيت تتابعوه بنص دماغ؟ هو ده بالظبط اللي بيقدمه “استدعاء ولي عمرو”، لكن للأسف اللي شاركوا في الفيلم ماكانوش فاهمين كويس أنهم بيقدموا لايت كوميدي.

“استدعاء ولي عمرو” بيحكي عن طالب شقي في المدرسة، وبيجيله استدعاء ولي أمر، وفي الوقت ده بيقرر أهله “حورية فرغلي” و”محمد عز” يجمعوا أصدقاء الدراسة القدامى من جديد.

لو كان ده الخيط الدرامي الأساسي اللي التزم بيه “محمد سمير مبروك” المؤلف و”أحمد البدري” المخرج كان ممكن  الفيلم يكون لطيف وكوميدي مع شوية أغاني خفيفة وخلاص، لكن الفيلم عند مرحلة معينة بيحاول يتكلم عن مشاكل التعليم والطلاب والمدرسين، وللأسف ده حصل بطريقة انشائية شوية.

الفيلم بيشهد مفاجأة لطيفة، وهي عودة الفنانة “سماح أنور” للتمثيل، ونتمنى نشوف مشاركات أكتر ليها الفترة الجاية، لكن ياريت تخرج من إطار الشخصيات المثالية الحالمة.

كنا نتمنى الفيلم يكون أقوى من كدة!