“مو صلاح” على قائمة ESPN لأفضل 100 رياضي في العالم لسنة 2019
ESPN أفضل 100 لاعب ومدرب في العالم لسنة 2019 كريستيانو رونالدو ليونيل ميسي محمد صلاح
Omar Abd-elmaqsoud
دايمًا بنصحى على إنجازاته، ودايمًا اسمه مشرفنا في أي حته وأي مكان في العالم، ودايمًا سبب في سعادة الملايين مش بس المصريين، وإنجاز النهارده من ابننا “محمد صلاح” هو اختياره من شبكة ESPN العالمية للرياضة علشان يكون ضمن قائمتها لأفضل 100 لاعب ومدرب في العالم لسنة 2019 في منافسة شرسة مع “ليونيل ميسي” و”كريستيانو رونالدو” و”كيليان مبابي” و”نيمار” ولعيبة عمالقة كتير.
الإنجاز ماوقفش لحد هنا، لأ ده اسم “محمد صلاح” جه في المركز الرابع في قائمة أفضل المهاجمين على مستوى العالم، حسب تصنيف الشبكة اللي وزعت اللاعبين الـ 100 تحت تصنيفات ضمت حراس مرمى، ظهير أيمن، وقلب دفاع، وظهير أيسر، وخط وسط محوري، ووسط مهاجم، وجناح، ومهاجم، ورأس حربة، ومدرب، وهيتضمن كل تصنيف 10 لاعبين أو مدربين.
صلاح جه بعد “ميسي” في المركز الأول وبعده “رونالدو” في المركز الثاني، وبعدهم “مبابي” و “صلاح” اللي حصل على المركز الرابع اللي تفوق فيه على زميله “فيرمينو” صاحب المركز الخامس.
لو حابين تعرفوا أكتر عن شبكة ESPN وتشوفوا القائمة ادخلوا هنا.
مقترح
معالم وسياحة
برج القاهرة.. زهرة اللوتس اللي قالت "لا"
البرج برج القاهرة +4
الحياة في كايرو
