قريباً.. بطولة العالم للاسكواش في ضيافة الأهرامات (صور)
الأهرامات بطولة العالم للاسكواش بطولة العالم للاسكواش سيدات رنيم الوليلي على فرج محمد الشوربجي نور الشربيني
Omar Abd-elmaqsoud
أيام قليلة بتفصلنا عن موعد انطلاق لبطولة العالم البلاتينية للاسكواش للسيدات المقامة عند سفح الأهرامات في الفترة من 24 أكتوبر لأول نوفمبر 2019 بمشاركة 112 لاعبة من أفضل اللاعبات فى التصنيف العالمى، وبيمثلوا 20 دولة.
على هامش البطولة هنشوف كمان بطولة الاسكواش للرجال من فئة البلاتينيوم، وهتضم البطولتين أفضل لعيبة اسكواش في العالم من السيدات والرجال، منهم في الرجال أكيد “علي فرج” المصنف الأول عالميًا للرجال، و”محمد الشوربجى” المصنف الثانى لرجال الاسكواش.
أما في السيدات فهنشوف “رنيم الوليلى” المصنفة الأولى للسيدات ولاعبة نادي “وادى دجلة” ده غير بطلة العالم والمصنفة الثانية “نور الشربينى” اللي هيكون ده أول ظهور ليها بعد إصابة في الركبة، وغياب عن تلات بطولات في الموسم الحالي.
وتعتبر المرة دي هي المرة الرابعة اللي تنظم فيها مصر البطولة بعد المرة الأولى اللي كانت سنة 2010 في شرم الشيخ وبعدها في القاهرة سنة 2014 وبعدين الجونة سنة 2016.
في بطولة السيدات السنة دي هتبلغ القيمة المالية للجوائز لـ 430 ألف دولار وده بعد رفع قيمتها المالية لجوائز علشان تبقى أعلى من قيمة الجوائز المالية لبطولة العالم للرجال.
ممكن تتابعوا البطولة وتعرفوا أخبارها وتفاصيلها من خلال الصفحة الرسمية على الفيسبوك من هنا.
وممكن تتفرجوا على صورها من خلال الحساب الرسمي للبطولة على الإنستجرام من هنا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
