The Definitive Guide to Living in the Capital , Cairo , Egypt

الصورة الرئيسية من معرض “حفلة شاي مع رئتي” بريشة الفنانة “ندى بركة”

كل ويك إند وانتم طيبين، ومع أجندتنا في “كايرو 360” أكيد مبسوطين، وبأحداث القاهرة وفعالياتها مستمتعين.. وبما إننا في ويك إند جديد، تعالوا نعرف إيه الجديد في حفلات ومعارض وفعاليات القاهرة:

الخميس.. الساعة 9 بالليل في رووم آرت سبيس فرع جاردن سيتي معادنا مع حفلة غنائة للفنانة “مي عبدالعزيز“. سعر التذكرة: 100 جنيه.

فرقة “فرسان الشرق للتراث” هتكون في ضيافة دار الأوبرا المصرية علشان تقدم لنا عرض “الهلالي“. أسعار التذاكر 35 – 45 -65 جنيه. العرض هيبدأ الساعة 8.

وبما إننا في الخميس الأول من شهر أكتوبر، وكالعادة أول خميس من كل شهر معادنا مع حفلة “أم كلثوم” على مسرح الساقية للعرائس. هنسمع في الحفلة أغنيتين “هذه ليلتي” و”حب إيه”. سعر التذكرة 37 جنيه.

يوم الجمعة.. سهرتنا في  The Tap المعادي مع الفنانة وعازفة العود “بلقيس” وسهرة موسيقية بألحان مختلفة ومبتكرة. السهرة هتبدأ من 10 بالليل.

ممكن تحضروا عرض الباليه الروسي بكل نجومه في دار الأوبرا المصرية من الساعة 8 مساءً. أسعار التذاكر: 210 – 360 – 510 جنيه.

ومن الساعة 4 للساعة 11 ممكن تزوروا معرض ومهرجان “بنت الورد للفنون” في نسخته الثانية في قاعة جريدة الأهرام في رمسيس.

يوم السبت.. الساعة 9 هيكون في حضرة جديدة مع أسياد الزار (هيلينج ميوزيك) على مسرح الضمة في مركز المصطبة للفنون الشعبية. سعر التذكرة: 50 جنيه.

أما محبي الفن المعاصر، فمعادهم في “سوما آرت جاليري” في الزمالك علشان يحضروا معرض لثلاثي الفن المعاصر “مروان الجمل، ندى بركة، وسها السرجاني” بعنوان ” حفلة شاي مع رئتي“. المعرض بيستقبل الزوار من 10 الصبح لحد 9 بالليل.

أما لو غاويين مسرح، فممكن تحضروا عرض مسرحي تختاروه من ضمن 3 عروض مسرحية هتتقدم في افتتاح مهرجان الساقية المسرحي الـ17. العروض بتبدأ من الساعة 6 مساءً. سعر التذكرة 40 جنيه للعرض الواحد.

أجندتنا لسه مليانة، والقاهرة لسة فيها أكتر وأكتر، ممكن تعرفوه وتتابعوه من أجندة “كايرو 360” النهارده وكل يوم، من هنا.