The Definitive Guide to Living in the Capital , Cairo , Egypt

متحف المركبات الملكية، واحد من أعرق متاحف القاهرة، وموجود في منطقة بولاق أبو العلا، جنب مسجد السلطان أبو العلا، وبناه الخديوي إسماعيل، وتم تطويره في عهد الملك فؤاد الأول، وعلشان أهمية المتحف ومحتوياته هنقولكم على 7 معلومات مهمة عنه وده بعد تطويره وتجهيزه.

1- المتحف عبارة عن حجرات كانت مخصصة للخيل وسكن للسائقين ولزينة عربيات التشريفة.

2- المتحف فيه 78 عرببة ملكية بموديلات مختلفة كانت بتستقبل الملوك والسفراء.

3- أهم عربيات في المتحف هي “الآلاي الكبرى”، ودي كانت هدية من نابلبون الثالث للخديوي إسماعيل بعد افتتاح قناة السويس.

4- المتحف فيه 7 فتارين و20 دولاب من الخشب والزجاج لحفظ أدوات وملابس التشريفات والزينة.

5- بدأ تطوير المتحف عام 2001 وتوقف تطويره أكتر من مره لغاية 2017 ومن وقتها والعمل شغال فيه وهيفتتح في ديسمبر 2019.

6- المتحف هيضم بعد التطوير صالة عرض لأفلام وثائقية خاصة بمحتوياته وأسانسير لذوي الهمم وكافيتريا ومعمل ترميم.

7- تم تطوير سيناريو العرض الخاص بالمتحف وهيكون فيه 5 قاعات عرض “الهدية – العرض المكشوف – الرئيسية – الملابس – الإكسسوارات”.