The Definitive Guide to Living in the Capital , Cairo , Egypt

مفيش حد يقدر يستغنى عن التكنولوجيا بجميع أشكالها في حياته اليومية، ويمكن أبسط أنواع التكنولوجيا دلوقتي واللي بقت مهمة بشكل كبير في حياتنها هي تلفوناتنا أو موبايلاتنا أو الـ ” Smart Phones”.

ولإننا بنعتمد على تلفوتنا بشكل كبير خلال يومنا وحياتنا بشكل عام، سواء في ترفيه أو شغل، فلما بطارية التلفون تجيب آخرها بعد شغل طويل أو قصير على التلفون، بتبقى لحظة صعبة، وأوقات كتير بتقلب بعصبية أو نرفزة أو عياط حتى لو لا قدر الله كنت في موقف صعب، فـ بنبقى مضطرين دايمًا نمشي بـ “باور بنك” أو بطارية احتياطية، أو شاحن .

والنقطة دي تحديدًا، كانت سبب رئيسي في المفاضلة ما بين التلفونات وماركاتها وموديلاتها، وبقى السؤال الأساسي لو هتشتري تلفون جديد “بطاريته عاملة إيه؟ ” أو “بطاريته بتقعد قد إيه؟” … لكن احنا النهارده هنكلمك عن واحد من أسباب فراغ بطارية التلفون بشكل سريع ومش طبيعي، وهي بعض البرامج أو التطبيقات اللي بتستنزف البطارية، أو تقدر تقول إننا هنقولك إنك لو عايز تحافظ على عمر أطول لبطارية تلفونك حاول تتخلص من البرامج دي، وجايز تتخلص كمان من الـ “باور بنك” اللي معاك طول الوقت:

تطبيقات مواقع الأخبار:

النوع ده من التطبيقات الخاصة بالمواقع الإخبارية، بيستنزف جزء كبير من البطارية، لإنه بيفضل دايمًا شغال على وضع الاستعداد، علشان يقدر يعمل تحديث للأخبار أول بأول، ومنها مثلًا تطبيق BBC News ونيويورك تايمز وCNN.

فيالحالة دي، لو معاك تلفون بيشتغل بنظام أندرويد، ممكن تفعل وضع السفر أو Travel Mode من إعدادات التطبيق، علشان يوقف التحميل المسبق للصور ومقاطع الفيديو وانت بتستخدمه، كمان ممكن تستخدم “إنستجرام ستوريز” Instagram Stories بدل سناب شات.

وممكن كبديل تشوف أو تقرأ الأخبار من مواقع الويب الخاصة بكل جريدة أو قناة، أو عمل متابعة لصفحات الجرايد دي على “تويتر”.

تطبيق “سناب شات –  Snapchat”:

من أكتر البرامج أو التطبيقات اللي بيحبها الناس في التصوير، وده لإن البرنامج فيه فلاتر كتير مضحكة للصور، إلا إن “سناب شات” واحد من أكثر التطبيقات استنزافًا للبطارية من بين معظم تطبيقات التواصل الاجتماعي كلها.

تطبيقات “فيسبوك – Facebook” والماسنجر الخاص بيه:

يعتبر فيسبوك –  Facebook من أكثر التطبيقات استهلاكًا للبطارية، هوه و تطبيق ماسنجر Messenger .

وكحل للمشكلة دي، قدمت شركة فيسبوك نسخة خفيفة أو “Lite”، وهتلاقوا اسمها على المتجر “فيسبوك لايت – Facebook Lite”  و “ماسنجر لايت – Messenger Lite”.

تطبيقات  Musical.ly و tik tok:

شعبية البرنامجين دول بتزداد يوميًا، وبيزيد معها عدد المستخدمين، وبالتالي بيزيد عدد المتضررين من ارتفاع معدلات استهلاك بطاريات تلفوناتهم.

وكحل للمشكلة دي، ممكن تحمل النسخة الخفيفة “Lite” من التطبيق، وهتلاقيها باسم “ميوزيكلي لايت – Musical.ly Lite” أو تستخدم تطبيق “Dubsmash” اللي يعتبر أول تطبيق تم تطويرها من النوع ده من تطبيقات.

تطبيقات مقاطع الفيديو:

طبعًا أول ما بنتكلم على “مقاطع الفيديو” هيجي في بالنا “يوتيوب – YouTube ”  و”نتفليكس – Netflix” والأكيد إن النوع ده من البرامج بيستهلك البطارية بصورة سريعة جدًا، خاصةً إنها بتحتاج إنترنت، سواء الواي فاي WiFi أو  Culler Data .