The Definitive Guide to Living in the Capital , Cairo , Egypt

بما أن انطلاق كأس الأمم الأفريقية على الأبواب، وكتير مننا بيحب يتفرج على الماتشات المهمة دي برة البيت. فإحنا في كايرو 360 جمعنا لكم أهم الأماكن، اللي تقدر تتفرج فيها على الماتشات:

مركز جسور – الزمالك

ده مركز ثقافي في الزمالك، هيوفر شاشات عرض على مساحة واسعة. علشان تتفرج على الماتشات، وبدون أي رسوم. مش شرط تشرب حاجة، بس عايزينك تشجع بحماس. وبيرحبوا بتبادل الثقافات بين الدول.

العنوان: 5 شارع ميشيل لطف، متفرع من شارع 26 يوليو، خلف فندق ماريوت – الزمالك

صفحة فيسبوك

حرس الحدود – الزمالك

دول بقى عندهم أكتر من مكان تقدر تتفرج فيهم، ومفتوحين للمدنيين. هو مكاننا المفضل للاستمتاع بالماتشات على شاشة كبيرة. وكمان عندهم برامج ترفيهية ومنطقة لعب أطفال. أسعار المكان رخيصة، وفيه رسم دخول.

العنوان: كورنيش الزمالك، شارع أم كلثوم – أمام حديقة الأسماك

تليفون: 01145285051

صفحة فيسبوك

مراسيا – المعادي

كافيه حلو ومكان واسع، تقدر تشوف فيه مباريات كأس الأمم الأفريقية، في أكتر من مكان مميز.

العنوان: 43 ميدان الجزائر – المعادي

تليفون: 01099351010

صفحة فيسبوك

نادي الكهرباء – شبرا

هيوفر شاشات على حمام السباحة سواء للأعضاء أو غير الأعضاء لمشاهدة مباريات كأس الأمم الأفريقية 2019.

العنوان: روض الفرج بجوار كوبري الساحل.

تليفون: 01223222779

صفحة فيسبوك

أولديش – مصر الجديدة

أعلنوا أنهم هيذيعوا الماتشات في فرعهم بمصر الجديدة. وللأسف مش هيكون متاح بفرع وسط البلد

العنوان: 61 شارع أبو بكر الصديق – ميدان سفير

تليفون: 01020132666

صفحة فيسبوك