The Definitive Guide to Living in the Capital , Cairo , Egypt

في رمضان بنضطر ناكل برة كتير. سواء كان في مطاعم مصنفة ودي سعرها غالي، أو أماكن عادية ودي جودتها أقل. بس من النادر إنك تلاقي مكان بيجمع بين الجودة والسعر. علشان كده إحنا في كايرو 360 قررنا ننقل لكم تجربتنا مع كبابجي الشيخ في الدقي.

طلبنا من المطعم مكس جريل فيه (طرب – كفته – فراخ شيش)، مع سلطات وعيش وأرز بـ 80 جنيه. عجبتنا جدًا طريقة التقديم وترتيب الأكل، وطعمهم كان جميل. بس الكفتة كانت زيادة في الدهن.

كمان طلبنا من عندهم رغيف حواوشي مخصوص (20 جنيه). وده بقى كان ممتاز، الحشو والتتبيلة كانت حلوة جدًا، عجبنا على وضعه كده. ويا سللام لو يعملوا افتكاسة كده، زي مثلًا إضافة نوع جبنة يسيح جوة اللحمة اللي بتدوب في الفم.

جربنا محشي المشكل (25 جنيه). وكانت الكمية والأكل كويسين جدًا. الأرز كان مستوى صح والخضرة مظبوطة فيه. أكلنا ممبار (25 جنيه). لو انتوا أكيلة ممبار لازم تجيبوا أكتر من طلب، علشان مش هتشبعوا منه.

صفحة فيسبوك