حفلة “ريد هوت تشيلي بيبرز” .. حدث عالمي عند سفح الأهرامات
الأهرامات حفلة روك آند رول ريد هوت تشيلي بيبرز عالمية
Omar Abd-elmaqsoud
مؤخرًا مصر استقبلت حدث فني تاريخي كان بقالنا كتير مستنيينه، لإن زمانه ومكانه بيوروا العالم قد إيه مصر جميلة وقادرة تكون أجمل وأجمل، الحدث كان حفلة عالمية لفرقة الروك الأمريكية “ريد هوت تشيلي بيبرز” عند سفح الأهرامات يوم الجمعة اللي فاتت، واللي شافها أكثر من 10 آلاف متابع في البث المباشر (Live) على كتير من المواقع، وحضرها جمهور من أكتر من 67 دولة.
Red Hot Chili Peppers – Live At The Pyramids pic.twitter.com/3cscj5ARFE
— ????????????????????️ (@rhcpgina) March 15, 2019
أهمية الحفلة دي كانت في مكانها التاريخي ووقتها، لإنها تعتبر أول حفلة دولية في المكان العريق ده بعد حفلة عازف البيانو العالمي “ياني” في 2015.
وفرقة “ريد هوت تشيلي بيبرز” فهي واحدة من أشهر الفرق في الولايات المتحدة الأمريكية، وألبوماتها حققت مبيعات أكثر من 60 مليون ألبوم، وفازت بـ 6 جوايز جرامي، ودخلت قاعة مشاهير الروك آند رول في 2012.
RHCP LIVE at The Pyramids, Giza, ????????!!! @ChiliPeppers u are crazy!!! pic.twitter.com/t4Yt2lM9Cu
— Galih raka (@galihrakaa) March 16, 2019
ومصر كانت واحدة من المحطات العالمية اللي هتمر بيها الفرقة في جولتها العالمية، ده غير إنها بتجهز الألبوم رقم (12) ليها، بعد توقف 3 سنين من وقت آخر ألبوماتها “ذا جيت واي” في 2016.
مقترح
أفلام
لسهرة هالوين ماتتنسيش.. 10 أعمال أجنبية وعربية مرعبة
افلام افلام تشوفها في الهالوين +6
الحياة في كايرو
