The Definitive Guide to Living in the Capital , Cairo , Egypt

للأسف الشديد بنلاحظ مؤخرًا في أفلام الرعب، حالة كبيرة من الاستسهال وإعادة تقديم تيمات محفوظة. بدون أي ابتكار أو تجديد. وده للأسف اللي حصل مع The Prodigy.

الفيلم بيحكي عن أم بتشك في سلوك ابنها المضطرب. وبيظهر بعد كده إن في كيان شرير مسيطر عليه، ومخليه يمتلك قوى خارقة. فتدخل في دوامة الحيرة بين حمايته، وبين البحث في حقيقة اللي بيحصله.

مخرج الفيلم “نيكولاس مكارثي” بيقدم قصة شوفناها قبل كده كتير. بتدور عن الطفل اللي عنده قدرات خارقة، وشريرة في نفس الوقت. ده غير اعتماده بشكل أساسي على أسلوب مشاهد الخضة، أو الـ jump scare. وده بيكون سبب في ضعف الفيلم، لو تم استخدامه بشكل مبالغ فيه.

في دور البطولة بنشوف “تايلور شيلينج”، المعروفة بدورها في مسلسل Orange Is the New Black. أما الطفل “جاكسون سكوت” فقدر يقدم دور مميز بالفعل. واستخدم نظرات عينه الغاضبة، علشان يقدم مشاهد قوية جدًا.

The Prodigy مش أحسن فيلم رعب شوفناه مؤخرًا. والسبب الأساسي هو تكرار القصة والحبكة بدون أي جديد.