Mohammed Sabry
لما قامت ميرهان خليل، وهي مريضة سرطان مصرية، بعملية زرع نخاع عظمي واتعرضت لعلاج كيماوي سنة 2012، بدأ شعرها يقع، وشكلها يتغير بفعل العلاج والجلسات، لكن مؤخرًا انضمت ميرهان لورشة عمل في القاهرة بتعلم مريضات السرطان إزاي يحافظوا على جمالهم وشكلهم ويقللوا من آثار المرض على شكلهم.
الورشة اللي حضرتها ميرهان تابعة لمبادرة اسمها “كن جميلًا”، وهي واحدة من المبادرات اللي ظهرت مؤخرًا. وهدفها الأساسي إنها تخلي مريضات السرطان في أحسن شكل دايمًا، ويقدروا يخففوا من آثار العلاج اللي بيظهر عليهم.
وقالت ميرهان اللي بتعاني من سرطان بلازما الدم لوكالة رويترز “بيفرق جدًا نفسيًا… إن إحنا نفضل حاسين إن شكلنا حلو وما فيش حاجة حصلت. الدوا ما أثرش ولا حتى الزعل”.
مبادرة “كن جميلًا” موجودة بالفعل في لبنان والإمارات، وخلال الشهرة ده هيتم تطبيقها في 7 مستشفيات في مصر. والبرنامج بيعلم المريضات إزاي يجملوا نفسهم. وكمان بيقدم الدعم النفسي الكامل ليهم. وبيعرفهم على أفضل تغذية تناسبهم. ده غير إن المبادرة بتستهدف تنظيم ورش عمل في 5 محافظات مصرية.
وبتقول هنادي الإمام مؤسسة المبادرة: “لما مريضة السرطان تحس أنها جميلة وبتتغذى بشكل مناسب… ده هيأثر بشكل إيجابي على نفسيتها… وده بيخلي مناعتها بتعلى… فتقدر تقاوم المرض بشكل أفضل”.
مقترح
الحياة في كايرو
المونوريل والقطار السريع والـLRT.. اعرف الفرق بين وسائل النقل الجديدة في القاهرة
القطار السريع القطار الكهربائي الخفيف LRT +4
فن وثقافة
