The Definitive Guide to Living in the Capital , Cairo , Egypt

وهو مين ما بيحبش الحلويات؟ لكن السؤال اللي بيطرح نفسه.. إيه الأماكن اللي بتقدم لنا أحلى حلويات في القاهرة؟ الإجابة هتعرفوها لو نزلتم بعينكم للسطور الجاية.. واركن أنت يا ريجيم على جنب بقى 🙂

ذا فات فور لايدز – The Fat  Four Ladies

فكرة إن محل يكون المسئولين عنه 4 ستات كانت فكرة متهورة شوية بس كانت فكرة عبقرية لأنها وصلت لنا أحلى حلويات طازة ومميزة ممكن نستمتع بيها، سواء الكوكيز أو البراونيز أو كيكة الليمون اللي مش بنقدر نقاومها، ذا فات فور لايدز ليهم أكتر من فرع في القاهرة.. اعرفوا تفاصيل أكتر من هنا.

كوبنهاجن – Copenhagen

من الأماكن اللي بتقدم حلويات ممتازة ده غير طبعًا الساندوتشات، بس بما إننا بنتكلم على الحلويات فلازم نقول أنه بيعمل تشوكليت فادج حكاية مع إضافة البسكوتة المقرمشة ده غير المخبوزات اللي سحرتنا زي الكرواسون باللوز.اعرفوا عنوان المكان من هنا.

كوبرملت  – Coppermelt

فيه ناس بتاكل بعينيها قبل معدتها وهنا لازم نقول لهم إن ده مكانهم المفضل، كوبرملت مش بيهزر في الحلويات اللي بيعملها والطعم المغري اللي ما يتقاومش.

تقدروا تعرفوا عنوان المكان وتفاصيل أكتر من هنا.

تروفا – Troufa

مجرد فكرة إنهم بيخلطوا العيش بالحلويات خليتنا متشوقين ندوق أصنافهم، لكن تميزهم في تقديم الحلويات والشوكولاتة بالذات، وقعنا في حب المكان من أول طبق. مكان مبتكر يستحق إننا نجرب كل أصنافه ونستمتع بيها.

العنوان هتلاقوه هنا.

نولا – Nola

نولا من أشهر محلات بيع الحلويات خاصة الكاب كيك في القاهرة، وفي كل مناسبة بتتزين بشكل جديد علشان تقدم للزبائن أفضل منتج بأفضل شكل وسعر وطعم. وده سبب انتشار أكثر من فرع ليها في كل أنحاء القاهرة.

اعرفوا تفاصيل أكتر عن المكان وعنوانه من هنا.