The Definitive Guide to Living in the Capital , Cairo , Egypt

القاهرة مليانة معالم سياحية كتيرة، بتعجب المصريين قبل الأجانب. ومن ضمن المعالم دي، المتاحف المختلفة. وفي السطور اللي جاية جبنا لكم 6 من أهم المتاحف اللي لازم تزوروها:

1- المتحف المصري

من أشهر متاحف القاهرة، وموجود في ميدان التحرير. بيضم كتير من القطع الأثرية، واللي بيوصل عددها لـ 150 ألف قطعة. ومتقسمة جوة المتحف حسب ترتيبها الزمني. فهتلاقوا مجموعة ما قبل التاريخ، ومجموعة الدولة الوسطى، لحد مجموعة الدولة الحديثة. المتحف بيضم أهم القطع الأثرية في العالم.

2- متحف الفن الإسلامي

المتحف ده بيضم مجموعة كبيرة من فنون الإسلام المختلفة، من معظم دول العالم. زي شمال أفريقيا، مصر، الأندلس، الصين، إيران. وكمان فيه أشهر الميادين الإسلامية في القاهرة زي باب الخلق، اللي اتنبى 1320 هجرية.

3- المتحف الجيولوجي المصري

تم إنشائه سنة 1901، وافتتحاه للجمهور سنة 1904. موجود على كورنيش المعادي. وبيضم 3 صالات عرض مختلفة. الصالة الأولى بتضم مجموعة كبيرة من الحفريات اللافقارية، زي القواقع. والثانية بتضم الحفريات الفقارية. أما الثالثة فبتضم مجموعات صخرية ومعادن من القشرة الأرضية، زي أحجار المرمر. وكنا عرضنا لكم المتحف بالتفصيل في المقال ده.

4- المتحف القبطي

بيضم مجموعات ثمينة من التحف الأثرية ومنها: مجموعة المخطوطات، الأقمشة والمنسوجات، العاج، الأخشاب، المعادن، الفخار. وبيوصل عدد القطع الأثرية فيه لـ 16 ألف قطعة.

5- متحف الفن المصري الحديث

موجود في الزمالك. وبيختلف عن باقي المتاحف، لأنه بيجمع عدد متنوع من الاتجاهات الفكرية. فتلاقي فيه لوح بتمثل المدرسة الواقعية، والتجريدية، والسريالية وغيرهم. وبيظهر فيه تنوع أعمال الفنانين العارضين.

6- المتحف الحربي في القلعة

المتحف عبارة عن قصر، جوة قلعة صلاح الدين. وبيضم مقتنيات بتحكي التاريح المصري العسكري، بداية من العصر الفرعوني لحد العصر الحديث. ده غير مجموعة متنوعة من الأسلحة المختلفة.