هتنبسط فيهم أكيد.. 7 أماكن تروحهم في عيد الأضحى
6 اكتوبر أدرينالين بارك المعادي خروج سفاري بارك سكيت ماكس سمارت كامب عيد الأضحى فجنون لحمة ماجيك بلانيت ماجيك جلاكسي
Cairo 360
صحيح في العيد بنتجمع كلنا علشان نقضي مناسبة زي دي مع الأهل والقرايب، لكن ده مايمنعش من خروجة حلوة نغير بيها الموود وننبسط. علشان كده جبنا لكم شوية أماكن ممكن تروحوا تقضوا فيها وقت لطيف، في العيد. يلا بينا:
1- قرية فجنون – مساكن شيراتون والهرم
المكان ده مخصص للترفيه والتعليم في نفس الوقت. فيه تقدر تمارس أنشطة كتيرة زي التلوين وصناعة الفخار وكمان خبز العيش. وأكتر حاجة مشهورة هناك هي حرب الطين، اللي طبعًا بتتبهدل وانت بتلعب فيها. والعائلات تقدر تجيب الأكل والشرب الخاص بيها. وبننصحك تاخد معاك لبس احتياطي وفوطة، علشان تغير بعد اليوم واللعب ده كله.
للتواصل: 01006818790 – 01224569141
2- ماجيك جلاكسي – مصر الجديدة
مكان ترفيهي عائلي متكامل جوة مول سيتي ستارز. وفيه نشاطات وألعاب للصغار والكبار. واللعب بيكون عن طريق كارت ألعاب تشتريه، وتشحنه بالمبلغ اللي انت عايزه.
للتواصل: 0224802032 – 0224802031
3- أدرينالين بارك – 6 اكتوبر
هناك تقدر تلعب حرب الألوان (Paint ball) انت وأصحابك. بتتقسموا فرق ماتقلش عن 8 أفراد. وبتاخدوا الزي والمسدسات والطلقات. وكمان في ألعاب مائية ممتعة.
للتواصل: 01225001008 – 01110014177
4- ماجيك بلانيت – المعادي
مكان ترفيهي للأطفال جوة كارفور المعادي. بيقدم ألعاب مختلفة للأطفال، وألعاب فيديو ومراجيح. وكمان فيه لعبة العربيات التصادمية. وبتكون الألعاب فيه عن طريق كارت ألعاب بتشتريه، وبعدين تشحنه بالمبلغ اللي انت عايزه.
للتواصل: 0225204000 – 01000880801
5- سكيت ماكس – 6 أكتوبر
لو عايز تغير وتعمل حاجة جديدة ومختلفة، يبقى تروح على سكيت ماكس في سيتي سكيب مول، علشان تستمتع بالتزحلق على الجليد.
التواصل من خلال صفحتهم من هنا.
6- سمارت كامب – العبور
المكان ده أكيد هتنبسطوا فيه لأنكم هتعملوا Sandboarding. غير الألعاب والأنشطة التانية زي كرة القدم، كرة القدم الأمريكية، كرة السرعة، بينج بونج وغيرها. بس لازم تحجزوا قبلها بيومين على الأقل.
التواصل من خلال صفحتهم من هنا.
7- أفريكا سفاري بارك – طريق القاهرة إسكندرية
عبارة عن غابة مفتوحة بمساحة 200 فدان. الدخول والتجول فيها بيكون بالعربية. وهناك بتشوف أنواع مختلفة من الحيوانات والطيور النادرة. موجودة في الكيلو 65 طريق القاهرة – الإسكندرية الصحراوي. البرنامج بيشمل سفاري، رحلة نهرية بالمركب، بيت الطيور، بيت الزواحف، الكهف.
للتواصل: 01223600967 – 01001175098
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
