فرقة فابريكا.. رواد المسرح الغنائي في مصر
أوبرا أوبريت المسرح الموسيقي الناي السحري برودواي تدريب ترجمة تمثيل فابريكا فرقة مسرح نيفين علوبة
Mohammed Sabry
بسبب قلة الاهتمام بالمسرح الموسيقي في مصر. كان من الضروري وجود جهة، بتهتم بالعروض الموسيقية بكل أنواعها، زي الأوبريت المصري ومسرحيات برودواي الموسيقية. وتقدمها برؤية مختلفة. وده كان هدف فرقة “فابريكا”، لما بدأت تقدم أعمال مابتهتمش بها الجهات الفنية الرسمية.
أسس الفرقة د. نيفين علوبة والمخرج المسرحي محمد أبو الخير. وبقت أول مؤسسة مصرية مستقلة، متخصصة في المسرح الغنائي.
بدأت فابريكا نشاطها في 2011 بعرض أوبرا “الناي السحري”. للمؤلف النمساوي موتسارت. بعد ترجمتها للغة العربية، على إيد د. سارة عناني ود. نيفين علوبة. وفي 2013 قدمت المسرحية الموسيقية “البؤساء”. بعد ما ترجمتها د. سارة عناني للغة المصرية الدارجة.
الفرقة بتتكون من 40 فرد، من اتجاهات وانتماءات مختلفة. كلهم بيجمعهم حب الموسيقى والغناء. وأعمارهم بتتراوح من 16 لـ 40 سنة. الفرقة كمان بتعمل ورش لكل أعضائها، متخصصة في الحركة المسرحية واللياقة والتمثيل.
من أهداف فابريكا إنها تترجم الأعمال العالمية للغة المصرية الدارجة. وبتحاول دايمًا ترفع الوعي الموسيقي للشباب المصري. ده غير تكليف المؤلفين المصريين بكتابة أعمال للمسرح الموسيقي.
تقدروا تعرفوا اكتر عن الفرقة وأعمالها من هنا.
مقترح
فن وثقافة
طبلة الست.. فرقة غنائية بتنشر الفرح وتحيي التراث
حفلات طبلة الست حفلات غنائية في القاهرة +5
الحياة في كايرو
