العيد أحلى في البيت.. مع أجمل نجمات هوليوود
Arrival Atomic Blond Beauty and the Beast I La La Land Lucy Molly’s Game Red Sparrow Salt Tonya Wonder Woman إيمي آدامز العيد انجيلينا جولي تشارليز ثيرون خروج رمضان عي الفطر فسحة فيلم
Mohammed Sabry
مأنتخ في بيتك في العيد، بسبب الزحمة اللي في كل حتة؟ .. ممكن تقضي النهارده في البيت وتتفرج على شوية أفلام. بس الأحسن بقى لما تتفرج على أفلام بطلاتها أجمل نجمات هوليوود. يعني العيد والروقان والوجه الحسن. اخترنا لكم أحلى فيلم لكل جميلة من جميلات السينما العالمية.. تعالوا نتعرف عليهم:
أنجيلينا جولي – Salt
طبعًا ماينفعش نبدأ بحد غير أنجيلينا. المعنى الحقيقي للجمال في هوليوود. وفي الفيلم “أنجي” بتلعب دور عملية في الـ CIA بتحاول الهرب علشان تنقذ حياتها، لما بيتم اتهامها إنها جاسوسة روسية.
تقييم الفيلم: 6.4
إيمي آدامز – Arrival
لو بتحب أفلام الفضاء والأحداث الغريبة، لازم تشوفه. الفيلم بيدور عن عالمة لغات بتساعد الجيش في التواصل مع كائنات فضائية غريبة. بعد ما سفن فضاء ضخمة نزلت على الأرض.
تقييم الفيلم: 7.9
تشارليز ثيرون – Atomic Blond
بقى معقولة القمر ده يضرب ويقتل ويقلب الدنيا كده؟ في الفيلم “تشارليز” بتعلب دور عميلة في الاستخبارات البريطانية، بتروح برلين علشان تحقق في جريمة قتل عميل تاني. وتستعيد قائمة سرية بأسامي باقي العملاء.
تقييم الفيلم: 6.7
إيما ستون – La La Land
بعد ما لفتت الأنظار ليها في فيلم “The Amazing Spider-Man”، إيما ستون في ” La La Land ” بتعلب دور ممثلة بتقع في حب عازف بيانو. وسط عدد من الاستعراضات الغنائية والموسيقية المبهرة.
تقييم الفيلم: 8.1
سكارليت جوهانسون – Lucy
مهمتها كانت بسيطة.. توصل شنطة لشخص معين. لكن “لوسي” بتقع في إيد عصابة بتتاجر في المخدرات، وبيهربوا مخدرات في كيس جوة جسمها. لما الكيس بيتفتح، جسمها بيتغير وبيكون عندها قوة خارقة. وقدراتها العقلية بتزيد.
تقييم الفيلم: 6.4
إيما واتسون – Beauty and the Beast
الفيلم بيحكي القصة المعروفة، عن الأمير اللي اتحول لوحش. وبتقع في حبه “بيلا” البنت الجميلة، اللي دخلت القصر بتاعه علشان تنقذ باباها.
تقييم الفيلم: 7.2
جال جادوت – Wonder Woman
لما تعرف إن في صراع خطير في العالم الخارجي. الأميرة “ديانا” لازم تسيب موطنها، علشان تنقذ البشر من خطر بيهدد حياتهم.
تقييم الفيلم: 7.5
مارجو روبي – I, Tonya
الجميلة مارجو روبي بتقدم في الفيلم ده قصة حياة متزحلقة الجليد “تونيا هاردينج”. اللي فازت ببطولات كتيرة. لكن حياتها بتتغير للأسوأ بسبب أفعال زوجها.
تقييم الفيلم: 7.5
جينيفر لورانس – Red Sparrow
راقصة الباليه “دومينيكا إيجوروفا” بتنضم لمنظمة استخباراتية روسية، وبتتحول لجاسوسة. في أول مهمة ليها، بتحاول تكشف عميل سري أمريكي، بيهدد أمن روسيا وأمريكا.
تقييم الفيلم: 6.6
جيسيكا تشاستين – Molly’s Game
قصة حياة “مولي بلوم”، اللي بدأت حياتها كمتزحلقة على الجليد. وبعد كده بقت بتدير أكبر وأشهر لعبة بوكر خاصة بالمشاهير والأغنياء. لحد ماتقبض عليها الـ FBI.
تقييم الفيلم: 7.5
مشاهدة ممتعة.
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
