The Definitive Guide to Living in the Capital , Cairo , Egypt

الثقافة الهندية من وقت ما وصلت القاهرة سواء من خلال الموسيقى أو الأفلام وهي دخلت قلوب المصريين من أول وهلة، كمان انتشرت المطاعم الهندية وبقت أماكن محبوبة لناس كتيير وعلشان كده كنا لازم نختار لك الأفضل من بين كل المطاعم الهندية في القاهرة.

الفائزين في فئة أفضل المطابخ الهندية في جوائز اختيارت محرري كايرو 360 لعام 2018:

ماني بوريه – Manipuri

في فندق سوفيتيل الجزيرة، حبينا كل التفاصيل اللي بيقدمها ماني بوريه، التوابل المشطشطة والديكور والمكان نفسه، تجربة تجنن ما تتفوتش.

إنديرا – Indira

تجربة فريدة في هوليداي إن في سيتي ستارز، واللي قدر يقدم يبهرنا من أول الناس اللي بتستقبلنا بالساري الهندي لحد الأكل اللي  بطعم قوي وذوق لا يُعلى عليه. هتعيش تجربة هندية بجد.

مهراجا – Maharaja

البهاجيس والكوزاهي شيتينادو، دول أكلات هندية مزجتنا في مهراجا اللي مش بيهزر في جودة الأطباق الهندي اللي بيقدمها.

ماهراني – Maharani

مهراني  في مركب لو باشا. سفرنا لحد الهند من غير طيارة وحببنا فيه كل تفاصيل الهند أما الأكل نفسه فأجمل من كل نهايات الأفلام الهندي المعروفة.