The Definitive Guide to Living in the Capital , Cairo , Egypt

كل يوم بنعرض لكم حفلات مميزة تساعدكم تستمتعوا بيومكم في حين إن فيه أماكن تانية كتير مستنية أنكم تعرفوا أكتر عنها وتستمتعوا بيها، زي المعارض الفنية سواء كانت صور فوتوغرافية أو معارض فن تشكيلي، المعارض دي نوع راقي من الفن تستاهل أنك تخطف كم دقيقة من وقتك وتستمتع بيها.

نبدأ بالمعرض الفوتوغرافي سبكترا “Spectra” اللي في بيكاسو آرت جاليري في الزمالك،. للفنان  العالمي خالد أبو الدهب. واللي مليان صور جميلة.

كمان فيه معرض نحت  بيستضيفه جاليري أوبونتو في الزمالك وهو معرض “Dreams of Freedom”.للفنان أمجد التهامي، ومنحوتات التهامي بتجسد الجسم البشري بمنحنياته وتموجاته بشكل خاص جدًا علشان  تعبر عن أفكاره بشكل حسي ملموس.

ده غير  أنها بتتناول لحظات بعينها في حياة الإنسان. أعمال التهامي النحتية تعتبر استمرار لأعمال الفنان المصري القديم واللي بيعتمد في  تنفيذها على المواد المحلية اللي بيسهل الحصول عليها علشان تخرج أعماله الفنية اللي بتبين من عظمة الإنسان.

ونيجي لمعرض مختلف في مشربية جاليري  وهو معرض “New paintings”. للفنان عاصم شرف. والل بيحاول يوصل شيء ما وراء اللغة البصرية التقليدية، وبيهدف إلى نقل فكرته على مستوى من اللاوعي من خلال عملية الإبداع. وهو مهموم بالمفهوم البنائي و المادي للعمل، الشيء اللي يمكن تعديله في وجود عناصر قابلة للتمييز.

وبتهدف أغلب أعمال شرف التجريدية ببساطة للعمل علي العناصر المكونة للصورة، واستكشاف قوة وإمكانيات كل من اللون والخط والشكل والمساحة والضوء والتكنيك والخامة.

ونختم بـ سفرخان جاليري في الزمالك، اللي بيستضيف معرض “Melodies of Conflict”. للفنان أحمد فريد. اللي جذوره مصرية ولكنه عاش مدة طويلة في أمريكا وده أدى طابع مختلف للوحاته خلته متميز ولوحاته الفنية بتبين الصراع ما بين الحضارات وداخل الإنسان.