النهارده في القاهرة: خالد سليم وطبلة وزار صعيدي.. كده المزاج اتظبط
Cairo 360
على قد ما الواحد بيتمنى الأسبوع يخلص بسبب الشغل، بس بيتمنى كمان يبقى أطول علشان الخروجات الجميلة. تعالوا نعرف خروجات النهارده من أجندة كايرو 360:
محكى القلعة اللي بيتعمل حاليًا في قلعة صلاح الدين، هيستضيف النهارده الفنان خالد سليم وفرقته. وقبله هيكون فيه حفلة لفرقة “سداسي شرار”. الحفلة هتبدأ الساعة 8 مساءً. وسعر التذكرة: 5 جنيه.
بتحب الطبلة؟ ونفسك تتعلمها وتطور نفسك فيها؟ جرامافون المعادي بتقدملك ورشة تعليم الطبلة، مع رانيا عمرو. الورشة هتبدأ من النهارده الساعة 7 مساءً. وتكلفتها: 350 جنيه.
علبة ألوان في الزمالك، هتستضيف فرقة “رباعي إلكتريك“. اللي هيقدموا مزيكا الجاز الجامدة جدًا. الحفلة هتبدأ الساعة 8:30 مساءً. وسعر التذكرة: 75 جنيه.
الزار المصري أو الصعيدي، هتقدمه فرقة مزاهر في مكان. والزار ده لون من ألوان الفن الشعبي، بتكون فيه المرأة عامل أساسي. الحفلة هتبدأ الساعة 8 مساءً. وسعر التذكرة: 40 جنيه.
استمتعوا.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
