جوائز كايرو 360 لعام 2017 لأفضل مطاعم الميكس
Cairo 360
من الحاجات العبقرية في القاهرة وجود مطاعم بتقدم خليط ما بين ثقافات مختلفة، وعلشان كدة قررنا السنة دي نقدم فئة جديدة نعرفكم من خلالها على أفضل مطاعم Mix في القاهرة.
الفائزين بجوائز اختيارات المحررين لعام 2017 لأفضل المطاعم الميكس:
قعدة حلوة ومريحة على النيل، كيجي بيجمع بين مطبخ اليابان وبيرو بطريقة مميزة. المكان شيك والأنوار هادية جدًا، الحقيقة أن كل تفصيلة في المكان أبهرتنا وخصوصًا السلاسل المعلقة في السقف ونازل منها فوانيس.
أكل خليط ما بين بيرو والمكسيك، تجربة ما ينفعش تفوت عشاق الأكل في القاهرة.. تجربتنا في ميزكال كانت مميزة جدًا وعلشان كده هو معانا في الأفضل في القاهرة.
إزاكايا بيقدم ميكس رائع ما بين اليابان وبيرو، ورغم أن الأكل غالي شوية لكن التجربة مميزة وعلشان كدة إزاكايا موجود معانا هنا.
الخلطة المرادي ما بين فرنسا واليابان! أكيد النتيجة هتكون هايلة.. المكان بيتميز بالديكورات البسيطة الجميلة والإضاءة المميزة اللي هتنقلك لعالم تاني من الخيال.. الخلاصة إن لو ديك كان لازم يكون في قائمتنا لأفضل المطاعم في القاهرة.
