المتحف الجيولوجي المصري.. احترسوا من ديناصور الواحات البحرية العملاق
المتحف الجيولوجي المصري عنوان المتحف الجيولوجي المصري متاحف القاهرة متاحف في المعادي
Mohammed Sabry
تصوير: بيشوي فايز
في جولاتنا دايمًا في شوارع وأحياء القاهرة، بنكتشف حاجات وأماكن جميلة جدًا. للأسف مابيكونش متسلط عليها الضوء. ومش واخدة حقها كويس، رغم إنها تستحق إن الناس تعرفها وتستمتع بها. ومن ضمن الأماكن دي، المتحف الجيولوجي المصري في المعادي.
طبعًا انت ممكن تكون بتقرأ الكلام ده وأنت مستغرب، وأول مرة تعرف إن عندنا متحف زي ده أصلًا. ماتستغربش، أنت مش لوحدك، وعلشان كده قولنا نجيب لكم كام معلومة عن المتحف.
مبدأيًا كده، المتحف موجود على كورنيش المعادي، عند نهاية حدود المعادي الشمالية، قريب من مدخل مصر القديمة. تم إنشاء المتحف عام 1901، وتم افتتاحه رسميًا للجمهور عام 1904. وهو يعتبر المتحف الأول من نوعه في الشرق الأوسط والعالم العربي.
نيجي بقى لتصميم المتحف. نلاقيه عبارة عن 3 صالات عرض:
الأولى: فيها الحفريات اللافقارية ومنها القواقع. واللي بتوضح بداية الحياة على الأرض. والثانية: فيها الحفريات الفقارية. أما الصالة الثالثة: فيها مجموعات صخرية، ومعادن من القشرة الأرضية، زى أحجار المرمر والجرانيت. وكمان في صخور من القمر.
ومن أهم معروضات المتحف، الهيكل العظمي لديناصور الواحات البحرية العملاق. وده كنز حقيقي من كنوز المتحف.
ماتنسوش بقى تزوروه، وتاخدوا جولة مثيرة ماتتكررش.
مقترح
معالم وسياحة
رحلة إلى سقارة: اكتشف أسرار التاريخ واستمتع بجولة ماتتنسيش
اثار سقارة ازاي تروح سقارة +4
الحياة في كايرو
