The Definitive Guide to Living in the Capital , Cairo , Egypt

ختمنا الشهر اللي فات يمكن بأهم حدث العالم كان بيتكلم عنه، وهو حفل الأوسكار السنوي الـ 89. ويبدو كده إنه هيكون له تأثير على أجندة كايرو 360. تعالوا نشوف.

النهارده سينما دال، في جاردن سيتي، هتعرض الفيلم الإيراني “The Salesman”. واللي حصل على جائزة الأوسكار لأفضل فيلم أجنبي في حفل الأوسكار الـ 89. الفيلم بيدور عن زوجين حياتهم بتتحول لعذاب وضغط. أثناء أدائهم لأدوار تمثيلية في مسرحية للكاتب الكبير “أرثر ميلر” بعنوان  “موت بائع متجول”. الفيلم إنتاج إيراني فرنسي مشترك. تأليف وإخراج: أصغر فرهادي. العرض هيبدأ الساعة 7:30 مساءً. والدخول مجانًا.

قاعة الحكمة، في ساقية الصاوي، هتعرض فيلم “20 سبتمبر”. والمعروف برضه باسم “هدية من الماضي”. وبيدور عن طالبة في معهد السينما. بتجيب هدية لباباها في عيد ميلاده، تذكرتين طيران لروما. علشان يروح يدور على حبه القديم. العرض هيبدأ الساعة 8 مساءً. سعر التذكرة: 20 – 25 جنيه.

أسبوع الأفلام اليابانية لسه مكمل في مركز الإبداع الفني بدار الأوبرا. والنهارده بيعرض فيلمين: “لا غطاء للبحر” – “كارا أجيه أمريكا”. العرض هيبدأ الساعة 5:30 مساءً. والدخول مجانًا.

سهرة سعيدة.