النهارده في القاهرة: مسرح وسينما ومزيكا
Cairo 360
يا مساء الخير، اليوم شكله مطول ولازم له خروجة، نروح نشوف عندنا إيه النهارده في الأجندة.
خلونا ناخد تلات نماذج لفعاليات ذات طبيعة مختلفة لزوم رضا الأذواق، سينما، وحفلات مزيكا، وعرض مسرح.
بالنسبة للسينما فالنهارده هيكون الموعد الأسبوعي لعروض سينما دكة التابعة لمؤسسة التعبير الرقمي العربي "أضف" في المقطم، العرض النوبة دي هيكون للفيلم الياباني "Still walking"، وده ضمن الجولة السينيمائية في اليابان لسينما دكة، العرض هيبدأ في تمام السابعة مساءً والأبواب هتفتح من 6:30، والدعوة عامة.
وبالنسبة للمزيكا فالمعاد هيكون من المركز المصري للثقافة والفنون "مكان" في وسط البلد اللي هيستضيف حفل ثنائي لمؤلف الموسيقى الإلكترونية أحمد صالح مع الشاعر والكاتب المسرحي عبدالله المنياوي، الحفل هيتضمن عزف وقوالة شعر وسرد أدبي، سعر تذكرة حضوره 30 جنيه، والبداية هتكون في تمام الثامنة مساءً، والدخول من السابعة مساءً.
أما عن المسرح فالنهارده هيكون يوم العرض الثاني لمسرحية "الملك أوبو" من على مسرح الفلكي بحرم الجامعة الأمريكية بالتحرير، سعر تذكرة الحضور 40 جنيه، والأبواب هتتفتح في تمام السابعة مساءً، وبداية العرض في تمام الثامنة مساءً.
يسعد مساكم.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
