دليل القاهرة: أكلات صحية فى مطاعم القاهرة
Jessica Noble
مع شهرة مطاعم القاهرة من ناحية كميات الأكل الضخمة والاختيارات المهولة المتوفرةبخدمة التوصيل، نقدر نقول أن تأثيرها بـ يكون مدمر على مقاسات الهدوم. بنهاية فصل الشتاء الجميل وقرب بداية الصيف، دلوقت وقت رجوع أجسامنا لفورمة البحر. صحيح الريجيم بـ ييجى على بالنا بذكريات مؤلمة عن الجوع، والخس، الخس بكميات كبيرة.. لكن الموضوع بسيط كأنك بـ تبدل البيج ماك بساندويتش، أو ميلك شيك بعصير فاكهة فريش.
وعلشان حان الوقت للتوعية الصحية لكل القاهراوية، جمعنالكم قائمة بأهم المطاعم المهتمة بالأكل الصحى؛ مع تقديمهم لمكونات طازجة، كمان بـ يشتهروا بتقديمهم لاختيارات لذيذة صحية تكبح جماح جوعك.
كل حاجة بـ تتعمل عندهم تركيزها الأساسى على عدد السعرات، جود كالز بـ يقدم منيو كبيرة من الأكلات الصحية فى فروعهم فى الزمالك، والتجمع و6 أكتوبر. مع تشكيلة كبيرة من السلاطات، والساندويتشات، واللفائف والمكرونات، كل حاجة منهم فى المنيو مكتوب عليها بشكل واضح عدد السعرات.
بأفكار سلاطاتى مبتكرة، Lettuceat بـ يقدم مجموعة من اختراعات السلاطات بكمية كبيرة. بجانب الأنواع المشهورة، بـ يستخدموا الفواكة زى التفاح، والمانجو والفراولة لإغراء حاسة التذوق؛ مين قال السلاطة لازم تبقى مملة؟
الاسم الألمانى فينرفالد بـ يعمل واحدة من أجمد الفراخ المشوية اللى ممكن تجربها، وبـ تتقدم بشكل راقى على طريقة الأكلات السريعة. بجانب الأشكال المختلفة من الفراخ، وعلى عكس مطاعم الوجبات السريعة، تقدر تختار سلاطتك من بين بار سلاطاتهم الطازجة.
ملحوظة: لو عاوز تأكل مع الفرخة بطاطس محمرة، اطلبها بدون ملح.
شهرتهم نتجت عن امتلاكهم أكبر بار سلاطة فى القاهرة، والأكيد أن “ذا ميدلى”مش هـ يحبطك. مع خضروات أكثر من الموجودة فى السوبر ماركت اللى جنب بيتك، تقدر تعمل سلاطتك بنفسك سواء كانت مبتكرة أو بسيطة، أما الأطباق المحضرة مسبقًا وأطباق المشاوى بـ تتعمل للناس اللى مالهاش فى جو المطابخ.
حاجة كده تفكرك بوصفات أكلات جدتك، ويشتهر كايرو كيتشين بالفراخ المشوية اللذيذة، والكشرى اللى طبعًا بعيد شوية عن موضوع الأكلات الصحية؛ لو خلاص قررت تروح وتجرب الكشرى، افتكر تطلبه بأرز بنى. عندهم كمان تشكيلة بسيطة من السلاطات والتورلى، تقدر تستغلهم فى تقليل كمية الكاربوهيدرات.
فيرمونت هليوبوليس- Fairmont Heliopolis
لو عاوز تجربة أكل راقية، كل مطاعم فيرمونت هليوبوليس بـ تقدم أكلات تناسب نمط أكلك، مصممة خصيصًا لأصحاب احتياجات أكل صحى معينة. نفس الطباخين الموهوبين من أمثال لان تانيا وليوناردو بـ يقدموا وجبات منخفضة السعرات، خالية من الجلوتين ووجبات نباتية مع اختيارات ثانية متوفرة.
بخضرواته الطازجة فى القاهرة الجديدة “سالودابل” بـ يقدم سلاطات ولفائف رخيصة ولذيذة، وكمان بـ تختار مكوناتهم بنفسك. بأقل من 40جنيه تقدر تختار من تشكيلة متنوعة من السلاطة الأساسية، الإضافات والصوص علشان تخترع غذائك الصحى الرائع. عندهم كمان سلاطات فاكهة طازجة قليلة السعرات، مع عصائر وحلويات على شكل زبادى مثلج غنية بالنكهة المميزة.
المطعم القائم على خدمة التوصيل فقط بـ يحاول يقدم أكلات غير صحية محبوبة، بطريقة صحية. بـ يعملوها إزاى؟ فى الحقيقة ده كان لغز بالنسبة لنا، بس طبقًا للمنيو، قدروا يعملوا بيتزا سعراتها أقل من 400 سُعر، ومكرونات وبرجر بحوالى 300سُعر، مع سلاطات، وفراخ مشوية وأطباق لحوم. بصراحة أكلهم عديم النكهة شوية، بس الفكرة أنه صحى وبـ يوصلوا لمكانك.
لتجربة سلاطة بدون إضافات، “سلاديرو” بـ يقدم كل ملحقات السلاطة على حدة.اجمع كل مكوناتك المفضلة وزود إضافة أو اثنين للاستمتاع بطبق لذيذ شهى.
