The Definitive Guide to Living in the Capital , Cairo , Egypt

في الوقت اللي فيضان المظاهرات مالي القاهرة واللي باقي المحافظات تأييدًا ومعارضة لحركة “تمرد”، ظاهرة التحرش الجنسي بدأت تظهر وشها القبيح للمرة الثانية وفيه حالات متعددة المهاجمين بـ يكونوا أكثر من واحد وفي مجموعات، اللي بـ يعلموا الفعل المقزز ده بـ يحاولوا يشيلوا من عليهم المسئولية وبـ يتعاملوا مع الموقف كجزء منه مش لوحدهم “على طريقة يعني هي جات عليا”، وخصوصًا أن الظاهرة دي بدأت في الإنتشار بطريقة مقرفة ومرعبة في القاهرة وفي ميدان التحرير.  

في الوقت اللي الجماهير فيه كانت في كل مكان في القاهرة في 30 يونيو بـ يتحركوا بدافع حب الوطن والحق كان فيه مشكلة أكبر بـ تظهر على السطح من غير ما حد يأخذ باله، ظاهرة استمرت من غير علاج من السلطات.

في ليلة واحدة حصل 46 حالة تحرش تم الإبلاغ عنهم 30 من الضحايا قدروا ينقذوهم في الوقت المناسب بفضل مجموعات ضد التحرش، اللي بدأت تظهر خلال ثورة 25 يناير 2011 لنفس السبب ومازالت بـ تأدي أفضل ما عندها علشان يحموا ستات وبنات مصر ويقدروا يعيشوا حياة كويسة في ظل الأحداث السياسية في البلد.

خلال الأوقات دائمًا فيه حاجة إلى متطوعين لكنهم بـ يحتاجوا لأكثر من عضلات علشان يتدخلوا في الوقت المناسب، المبادرات الجامدة دي برضه بـ يحتاجوا متطوعين لرفع الوعي والحصول على مؤن وينسقوا ويوفروا الدعم للضحايا.

تواصلوا مع المجموعات الآتية علشان تشوفوا تقدروا تساعدوا إزاي:

قوة ضد التحرش

Twitter.com/OpAntiSH
Facebook.com/opantish

تحرير بودي جارد

Twitter.com/TahrirBodyguard
Facebook.com/Tahrir.Bodygaurds

خريطة التحرش

Twitter.com/harassmap
Facebook.com/HarassMapEgypt

 حركة بصمة

Twitter.com/Imprint_Mov
Facebook.com/Imprint.Movement.eg

مركز النديم لإعادة تأهيل ضحايا العنف

Twitter.com/elnadeem
Facebook.com/elnadeem

المستشفيات الميدانية موجودة في كل حتة خلال أكبر مظاهرات شافتها مصر خلال السنتين اللي فاتوا بفضل دكاترة التحرير اللي موجودين دائمًا في ميدان التحرير خلال الأسبوع ودائمًا بـ يحتاجوا مؤن ومعدات ومتطوعين، كمان فيه Tahrir Supplies اللي بـ يقدموا المساعدات حول ميدان التحرير على تويتر ويوفروا معلومات من الشارع.

لمزيد من المصادر والمعلومات اضغطوا هنا.

يارب احفظ مصر!!