دليل كايرو 360 لخروجات قليلة التكلفة في القاهرة
Muhammad Nasr
أي
شخص في العالم بـ يحاول ينفذ المعادلة الصعبة بين الجودة والسعر، والقاهريين ما
يختلفوش كثير عن كده، دائمًا بـ نحاول نشتري شقة في مكان كويس وواسعة وسعرها قليل
أو نحصل على سلعة بجودة جيدة وبسعر مناسب أو نخرج في مكان ننبسط فيه وما ندفعش
كثير، وده موضوعنا النهارده اللي حاولنا نرشح فيه بعض الأماكن اللي تقدروا تخرجوا
فيها وتنبسطوا وفي نفس الوقت ما تصرفوش كثير، “واحد يقول لنا” (على طريقة المعلق
الرياضي كابتن محمود بكر): “إشمعنى؟”، نقول له: “آخر الشهر بـ يحب الصرف القليل”.
برج
القاهرة
برج
وهرم ونيل دي كانت رسمتنا المفضلة وإحنا أطفال، وكان فيه أطفال -ضايعة ضايعة- فاكرين أن برج القاهرة من عجائب الدنيا السبعة،
هو من أكبر معالم القاهرة السياحية بمكانه في جزيرة الزمالك على شكل زهرة اللوتس
بارتفاع 187 متر، بـ نكلمكم عن برج القاهرة اللي تأسس في سنة 1961 وكان الهدف من
إنشاؤه عسكري واستخدامه في الاتصالات اللاسلكية إلا أن مع تطور تكنولوجيا
الاتصالات تحول استخدامها لتحفة معمارية، البرج يعتبر من الخروجات اللي سعرها
مناسب بتذكرة ثمنها 20 جنيه للمصريين هـ تخليكم تشوفوا منظر بانورامي للقاهرة ومن
خلال التليسكوبات الموجودة تقدروا تشوفوا أي مكان في القاهرة زي القلعة والهرم،
كمان فيه المطعم الدوار وفيه عدد من الكافيهات والمطاعم الصغيرة أمام البرج من
تحت، مواعيد عمل البرج في الشتاء من 8 صباحًا: 12 صباحًا وفي الصيف من 9 صباحًا: 1
صباحًا، وفيه عروض للمجموعات ورحلات المدارس تقدروا تستعلموا عنها من خلال الإيميل info@cairotower.net بالإضافة للموقع الرسمي.
ملاهي
دريم بارك
بعد ترشيحها لكم في دليل
كايرو 360 لخروجات ممكن تمارس فيها أنشطة في القاهرة بـ نرشح لكم ملاهي دريم بارك في مدينة دريم لاند
بالسادس من أكتوبر للمرة الثانية، دريم بارك ظهرت سنة 1999 وكانت طفرة بالنسبة
لأهل القاهرة لأنها كانت متطورة بكثير عن مستوى مدن الملاهي وقتها ومازالت محافظة
على المكانة دي وده بسبب أن مافيش منافسة أصلًا وبقية المدن معتمدة على الألعاب
والأنشطة اللي عندها ومافيش تجديد، وبالتالي فيه إضافات بسيطة قوي على المدينة ككل،
قصتنا مع دريم بارك بدأت في أيام الجامعة لما كنا بـ نشوفها على كل الحوائط
“رحلة دريم بارك” وده كان بسبب سعرها المناسب واللطيف مع المتعة
والسعادة في الوقت اللي بـ نقضيه فيها، أسعار التذاكر
حاليًا تتراوح من 59.99 إلى 129.99 جنيه وفيه بعض الشركات والمجموعات بـ تقدم عروض
للمجموعات بأسعار كويسة، تقدروا تتواصلوا وتعرفوا كل الجديد عن دريم بارك من خلال موقعهم الرسمي.
ملاهي
السندباد
من
أهم وأقدم مدن الملاهي في القاهرة وبالرغم من التطوير المحدود فيها إلا أنها
مازالت موجودة على خريطة مدن الملاهي في القاهرة، في شارع جوزيف تيتو بالنزهة
الجديدة أمام سور مطار القاهرة هـ تلاقوا مدينة ملاهي السندباد بشعارها المشهور من
الخارج، تذكرة دخول المدينة بـ 5 جنيه فقط وبالداخل هـ تلاقوا عدد من الألعاب اللي
بـ تتنوع أسعارها بين 3 و5 جنيه للعبة الواحدة، كمان تقدروا تشتروا كتيب فيه عدد
من التذاكر لعدد من الألعاب بـ 28 جنيه وتقدروا تتابعوا عروض المدينة بالنسبة
للرحلات والمجموعات عن طريق الاتصال بـ 0226244001 أو 0226244002.
حديقة
الأزهر
كلمناكم
عن حديقة الأزهر كمكان
مُفضل تقدروا تمارسوا فيه أنشطة، من وقت افتتاحها قدرت تفرض وجودها وتكون من الأماكن
المفضلة عند أهل المحروسة كمكان لطيف يقدروا يؤدوا فيه عدد من الأنشطة وكمان ينفع
يكون مكان للخروج وبتكلفة بسيطة، بتذكرة دخول سعرها 7 جنيه في أيام الخميس والجمعة
والسبت والأحد و5 جنيه في أيام الاثنين والثلاثاء والأربعاء تقدروا تستمتعوا بكمية
من المساحات الخضراء على مساحة 74 فدان في شارع صلاح سالم، منظر زي ده هـ يجري
الأدرينالين في دمكم ويخليكم تنطلقوا بكل ما عندكم من نشاط، وأنتم هناك مش بس هـ
تستمتعوا بالهواء النقي ومنظر القاهرة الإسلامية، كمان هـ تلاقوا عدد كبير من
الأنشطة اللي دائمًا بـ تُقام في الحديقة زي يوم القراءة المفتوح أو حصص اليوجا
المجانية أو أنشطة اجتماعية ثانية كثيرة وكل ده ببلاش، وتقدروا تشوفوا منظر مش
كثير بـ نشوفه للقاهرة القديمة مع نافورات وشلالات وبحيرات صناعية كمان مع وجود
عدد من المطاعم اللي بـ تقدم مجموعة متنوعة من الأكلات والمشروبات. حديقة الأزهر
في النصف الثاني من شهر مارس 2013 هـ تستضيف حفلات لمهرجان القاهرة لموسيقى الجاز
على مسرح الجنينة بالإضافة إلى حفلات ومهرجانات كل جمعة اللي تقدروا تتابعوها على الموقع
الرسمي وصفحة الحديقة على الفيسبوك.
السيرك
القومي
عروض
أسود وحيوانات مختلفة بالإضافة لعروض الأكروبات والترامبولين والمهرج وغيره من
العروض المرحة هـ تلاقوها في السيرك القومي بالعجوزة اللي يعتبر من أول وأهم أماكن
عروض السيرك في القاهرة ومصر، في مكانه بمنطقة العجوزة بالقرب من مسرح البالون،
السيرك القومي هـ يفضل من أهم الخروجات لأهل القاهرة، سعر التذاكر ما بين 20 و30
و50 و75 جنيه، مواعيد العروض من 7: 9.30 مساءً كل الأيام ماعدا الأربعاء.
تقدروا تتواصلوا مع السيرك لمعرفة كل ما هو جديد عن طريق
الاتصال بـ 0233464870 أو 0233470612.
القاهرة
الإسلامية
منطقة
القاهرة الإسلامية غنية بالأماكن اللي نقدر نخرج فيها وننبسط وبتكلفة أقل مما
تتصوروا وللأسف قليل من أهل المحروسة اللي زاروا المناطق وبـ يروحوا لمناطق أغلى
ومش في نفس مستوى متعة المناطق دي، شارع المعز في الحسين ومنطقة الأزهر عمومًا من
المناطق الرئيسية اللي بـ تكون القاهرة الإسلامية بالإضافة لمناطق القلعة والدرب
الأحمر والسيدة زينب والسيدة عائشة، هـ تلاقوا في منطقة الأزهر عدد من البيوت
الثقافية اللي بـ تستضيف عدد من الندوات والحفلات والحد الأقصى للسعر هو 30 جنيه
زي بيت
السحيمي وقبة
الغوري ووكالة الغوري وبيت
السناري ووكالة بازوعة والقلعة
والمتحف
الحربي وبيت
الست وسيلة وعدد من المساجد والمتاحف التراثية، القاهرة
الإسلامية هـ تضطروا تزوروها أكثر من مرة وأهم حاجة يكون عندكم خطة وإلا هـ تلاقوا
نفسكم توهتوا في التفاصيل وتعبتوا على الفاضي.
حديقة
الحيوان بالجيزة
لما نقول حديقة الحيوانات في الجيزة يعني الرحلة الرئيسية لأغلب مدارس مصر
في مرحلة الابتدائي والإعدادي، تأسست سنة 1891 وكانت من أول حدائق الحيوانات في
أفريقيا، شكلها ما تغيرش كثير عن أيام رحلات المدرسة لكنها محتاجة اهتمام أكثر عن
زمان، وفيه إضافات بسيطة في وجود أنشطة جديدة للأطفال ومدينة ملاهي صغيرة قوي، سعر
تذكرة الدخول 2 جنيه (فين أيام لما كانت بربع جنيه؟!) هـ تستمتعوا بوقت جميل ما
بين أقفاص الحيوانات والطيور والزواحف المختلفة كمان مع أنواع من الأسماك والأشجار
النادرة، الحديقة مش محتاجة أكثر من نصف الإمكانيات المتاحة للحدائق الأفريقية
واتفرجوا عليها، تقدروا تتواصلوا مع الحديقة من خلال الموقع الرسمي أو عن طريق الاتصال
بـ 0235708895 أو 0235701552.
لو
خرجتم في مكان واتبسطتوا وما صرفتوش كثير ما تتردوش في أنكم تقولوا لنا عليه،
وربنا يديم علينا وعليكم الخير والسعادة.
مقترح
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
