The Definitive Guide to Living in the Capital , Cairo , Egypt

مافيش مكان للجلوس داخل المحل، بس ممكن تأخذ أكلك وتقعد على السور الخارجي اللي أمامه واللي كثير بـ يقفوا يأكلوا فيه ويشربوا حاجة ساقعة جنب الأكل، الشارع هادئ ويسمح أنك تقف وأنت أعصابك هادئة أو حتى تركن عربيتك وتقعد تأكل فيها. المنيو بسيط ومقسم لـ 3 أقسام: البيتزا (باللحوم أو الدجاج أو الأسماك أو بالخضروات والجبن) والكريب (الحادق أو الحلو) والتويستر وهو اختراع خاص بالمحل وهو شبه الكالزوني الإيطالي التقليدي بس بلمسة مصرية، وهو عبارة عن عجين محشو بالدجاج أو اللحوم أو الجبن ومخبوز في الفرن وبـ يُقدم ملفوف زي الساندويتش.

الشيفات أو بمعنى أدق خبير المعجنات اللي هنا شاطر جدًا، وهـ تحس بطعم وصنعة مميزة في كل الأكلات. والسرعة هي سمة المكان، يعني مش هـ تقف تنتظر كثير، والنظافة مضمونة وهـ تلاحظ ده بنفسك. يعني التجربة كلها هـ تبقى إيجابية وأهم حاجة أنها موفرة جدًا وعملية في آخر الشهر.