The Definitive Guide to Living in the Capital , Cairo , Egypt

أوقات بـ نحس أن الحياة بقت مملة وروتينية شوية، كل يوم من الساعة تسعة لخمسة شغل وبعدها ترجع تشوف التليفزيون اللى بـ يعرض طول الوقت كوارث فى كل مكان.
من خمس سنين، فى الوقت اللى وصفته بأزمة منتصف العمر بالنسبة لها، قررت دكتورة الأسنان الأسبانية كاتالينا كونستين أنها تتمرد على الحياة الرتيبة، وتروح على القاهرة علشان تكرس نفسها لتقديم حاجة بـ تفرحنا كلنا: الألعاب!
هى وزوجها الكولومبى إدواردو أورتيز والفنان المصرى “إلهامى نجيب” فتحوا «جرافيتى أرتيستويز» فى المعادى من ثلاث سنين، وده خلانا نستغرب إزاى ما روحناش هناك كل الوقت ده؟
نقدر نعتبر المكان أنه جاليرى، ومحل وأتيليه ويشبه سيرك عرائس ينفع لكل الأعمار: تقدر تشوف طيارات بـ ترفرف فوق غرفة عرض لشخصيات المهرج، ومخلوقات سحرية ووجوه مرحة مرسومة على دمى، وعرائس، وتماثيل صغيرة، وأوعية حلويات، ودفوف صغيرة، ونماذج بيوت صغيرة ووسائل نقل متنوعة، وكمان شكل قائد عرض السيرك بألوان مبهجة.
الحوار مع كاتالينا وإدواردوا كان بين الأسبانى لغتهم الأصلية والإنجليزى، وعرضوا بكل فخر إبداعاتهم المصنوعة من مواد قابلة لإعادة الاستخدام.
قالت كاتالينا وهى بـ تشاور على زرافة معمولة من ورق تغليف وعلبة مياه غازية صفيح: “كل حاجة مصنوعة من مواد مُعاد استخدامها”. وكمل إدواردو: “حتى أنا معاد الاستخدام”.
فى أغلب الأماكن، الحاجات المعمولة من مواد مستعملة بـ تبقى واضحة قوى. لكن الموضوع مختلف فى جرافيتى، لأنك ما تقدرش تأخذ بالك إلا لو حد قال لك. فيه قطع مصنوعة من زجاجات قديمة، علب صفيح وgizmo، وحاجات ثانية من بواقى الخشب والورق. لكن كل لعبة مصنوعة يدويًا ومش موجود غير قطعة واحدة، وده بـ ينعكس على سعرها.
جرافيتى واقف فى المنطقة اللي بين صناعة الألعاب والتحف وعلشان كده تم تسميته “أرتيستويز”، الأسعار بـ تبدأ من 50 جنيه للقطعة. أغلى قطعة موجودة سعرها 2.000 جنيه عبارة عن لعبة حصان قوية، لونها أزرق فى برتقالى مصنوعة من الخشب والورق المعجن papier-mâché اللى لما ركبناه حسينا بفرحة كأننا أطفال صغيرين.
بعيدًا عن مجموعة الألعاب، المحل بـ يبيع لوحات أصلية ومطبوعات للفنان إلهامى. من خلال الأكريليك، إلهامى بـ يرسم صورة لحياته وبـ يجسد التغيرات اللى حصلت فى تاريخ مصر. فى مجموعة منهم بـ يوصف ملابس تقليدية من أماكن مصرية مختلفة اللى اختفت من الساحة فى وقتنا الحاضر.
وبـ يقول إلهامى: “لما تشوف ملابس بالشكل ده تقدر تكتب تاريخ طويل عن الأصول القديمة والبيئة المحيطة. علشان كده أنا مهتم بـ تسجيل الذوق اللي موجود دلوقتي علشان اللى ييجى بعدينا يقدر يشوف طريقة حياتنا كانت عامله إزاي”.
الثلاثى النشيط كمان بـ يقدم ورش عمل لتعليم صناعة الألعاب بالحجز أو كل يوم سبت، وكمان حصص لتعليم الرسم يوم الاثنين للأطفال والكبار بـ 90 جنيه لحصة مدتها ساعة.
وعلق إلهامى: “كل الناس فاكرة أن الفن حاجة مستحيلة والموهوبين بس هم اللى يقدروا يمارسوه. وده مش حقيقى. الموضوع هو التمرين وأنك تعيش فيه بكل حواسك وإحنا بـ نضمن لك أنه يحصل. الناس بـ تيجى تتفرج على الألعاب وتقول أن الموضوع صعب قوى يتعمل، لكن الموضوع مش بالصعوبة دى، تعالى أنت بس وهـ نعلمك تعمله إزاى”.
سواء كنت طفل دماغه أكبر من سنه أو بالغ وبـ تحب الطفولة، جرافيتى أرتيستويز بـ يدعونا لوقت من المرح وإطلاق طفولتك اللى أى طفل يتمناها.