The Definitive Guide to Living in the Capital , Cairo , Egypt

فى الدور الثانى فى داندى مول على طريق مصر الإسكندرية
الصحراوى دار الشروق بـ ترحب بك  بتصميمها
من الخشب الغامق اللى بـ يختلف تمامًا عن تصميم المول بلونه الأبيض.

عند
دخولك المكتبة هـ
تلاقى الكاونتر على شمالك محاط بمجموعة من الأدوات
المكتبية زى تصميمات مختلفة من الـ Bookmarks اللى بـ تعلم بها الصفحة
20) جنيه)، ألوان ومذكرات ورق صغيرة بكل الألوان
وعليها أشكال زهور سعرها من 40 لـ 50 جنيه بالإضافة لمجموعة من الأقلام. كمان فيه
رف عليه أشهر الصحف قريب من مدخل المكان.

كعادة الشروق، الدار
مقسمة لأقسام بعناوينها المعتادة زى “فنون وأدب”، “تنمية
بشرية”، و”سفر”. بعيدًا عن الأقسام دى، الكتب مقسمة لكتب بالعربى أو
الإنجليزى، العربى هـ
تلاقيه على شمالك والإنجليزى على يمينك. وفى آخر المكان فى مواجهة المدخل مساحة
كبيرة مخصصة لكتب الأطفال.

علشان نركز أكثر على
القسم الإنجليزى تعمقنا أكثر فى المنطقة اللى على شمال المكتبة. قسم الكلاسيكيات
شدّ انتباهنا، وحاولنا نتعرف على دور النشر الموجودة فى المكان. معظم الكتب كانت من إصدارات “بينجوين” للنشر Penguin publications، وكمان فيه مجموعة
معقولة من كتب الأدب. بالإضافة لأعمال أقدم شوية لكتّاب زى ديستوفيسكى، وتولستوى،
وكافكا ودى إتش لورانس، كمان مجموعة أحدث شوية لكيرواك، وأرثر ميلر وأيان راند.
الغريب أن كتاب زى “المنبع” Fountainhead  من تأليف راند سعره يبقى 87 جنيه، فى حين أن كتاب “صورة دوريان جراى” للكاتب أوسكار
وايلد ثمنه 48 جنيه فقط، والاثنين من إصدارات بينجوين. ممكن نص
الكتاب الأول يكون طويل، لكن كتاب أرثر ميلر الصغير كان سعره برضه غالي.

كتبهم
عن الديكور والمعمار جديرة بالانتباه. فيه
عندهم مجموعة كويسة منها والكتب الموجودة بـ تتميز بتنوع لطيف بحيث تلاقى أى حاجة
متعلقة بالموضوع زى كتاب عن الديكور سعره حوالى 190 جنيه، وكتاب بـ يركز على أذواق الترابيزات بـ 171 جنيه وكتاب ثانى عنوانه “الحلم الأخضر”Dreaming Green  سعره 317 جنيه.

رغم أن قسم
الديكور عندهم متميز، لكن قسم الفنون كان ضعيف. قسم ثانى المفروض أنه يكون مبهر هو
قسم الطبخ، لكن عدد الكتب الموجود فيه قليل ومافيش كتب تشدّك.

قسم صغير عن السير
الذاتية برضه ضعيف شوية، بـ يركز على شخصيات معروفة زى مايك ﭼاجير،
وباراك أوباما وتونى بلير. على الناحية الثانية قسم السياسة مليان كتب وفيه إصدارات
حديثة عن الأحداث الحالية. أحدث كتاب لعلاء الأسوانى اسمه On the State of Egypt  سعره 75 جنيه.

الشروق كمان عندها قسم
للكتب المقترحة. كتاب زى السيرة الذاتية لستيف جوبز (195 جنيه)، وكتاب Why Men Love Bitches  (85 جنيه) ومعظم كتب جودى بايكولت هـ تلاقيها عندهم، بالإضافة لكتب عن الثورة زى “من
ترافلجار إلى التحرير” للكاتبة روزمارى ثابت (120 جنيه)، وكتاب “ميدان التحرير”
للكاتب أشرف خليل (150 جنيه). ذوق الكتب الموجودة مافيش خلاف عليه، لكن
كنا نأمل نشوف اختيارات أكثر تميزًا. فيه كتب بـ تتكلم عن الثورة ودى حاجة جيدة،
لكن كتاب زى Why Men Love Bitches، ليه بقى؟!

عدد
الموظفين كان قليل وقت زيارتنا وفى وجود موظفة واحدة لمساعدة العملاء، أكيد ما تقدرش
تساعد وسط كميات الكتب الكبيرة الموجودة. رغم كده، دار الشروق مكان أكثر من مناسب لشراء
الكتب.