دليل كايرو 360 للحفاظ على صحتك خلال رمضان
Tanya El Kashef
فى كل رمضان بـ تسمع نفس
الشكاوى بسبب زيادة الوزن بدلاً من نقصه، وكمان الإحساس بالإجهاد والتعب بدل
ما تبقى خفيف ومنتعش. الموضوع مش محتاج عالم ذرة لمعرفة السبب، المشكلة هى طريقة
الأكل الغلط بعد يوم طويل بدون أكل وده مضر لك. ورغم أن معظم الناس عارفين الطريقة
المناسبة للاستفادة من الشهر الكريم، إحنا هنا علشان نفكرك مرة كمان.
الأكل
أكيد
إحنا عارفين أن كل أحلامك طوال اليوم بـ تبقى عن الأكل، وغالبًا كمان بـ تكون عن الأكل
المقلى أو المشبع بالسكر. إيه ثانى ممكن تحلم به فى يومك؟ أكيد مش ورقة خس
مثلاً؟ الحقيقة، أن معدتك ممكن تغريك بفكرة تناول ساندويتش برجر، لكن الحاجة اللى
فعلاً بـ تحتاجها مختلفة تمامًا.
السحور
الوجبة
المسئولة عن تجهيزك ليوم طويل من الصيام أكيد مهمة جدًا. ناس كثير بـ تختار أنها
تفوّتها، علشان مكسّلين يصحوا من النوم لأنهم خلاص ناموا أو من خوفهم أن وجبة فى
وقت متأخر كده تساعد على زيادة الوزن. الحقيقة هى أن وجبة السحور مهمة لعمل توازن لنسبة
الدهون الموجودة فى الجسم.
نأكل إيه؟
أكيد أكلات صحية، الأكل المتوازن فى وجبة السحور بـ يبقى أحسن اختيار.
الكربوهيدرات المركبة زى القمح، والشوفان والفول مفيدين لأنهم بـ يساعدوا على فقد
الطاقة ببطء خلال اليوم. الأطعمة الغنية بالألياف زى الحبوب، ومعظم الفواكة برضه
مفيدة لأنهم بـ يأخذوا وقت طويل فى عملية الهضم.
خلّى
سحورك خفيف وركز على السلاطة، والعيش البلدى (ملئ بالألياف)، والحبوب والفاكهة.
الزبادى كمان اختيار كويس لأنه مرطب ومافيش خوف من أنه يضيف وزن زيادة.
ما نأكلش
إيه؟ ابتعد عن الأطعمة صعبة الهضم، والأطعمة سهلة الحرق اللى بـ تحتوى على
كربوهيدرات مكررة زى الحلويات، والشوكولاتة والأطعمة المحفوظة. بعض الناس بـ يفضلوا
أنهم يأخذوا قهوتهم قبل النوم، والأفضل أنك تتجنب الكافيين لأنه مدر للبول وبـ يساعد
على فقد المياه من الجسم.
الإفطار
انتظار
وجبة الإفطار بـ يبقى متعب فى أوقات كثيرة، كل تفكيرك بـ يبقى أن أول ما آذان
المغرب يأذن أنك تفترس كل الأكل الموجود أمامك. خذ نفس عميق وتحكم فى نفسَك. عقلك
ممكن يقول لك حاجة، لكن جسمك بـ يصرخ بحاجة ثانية خالص.
نأكل
إيه؟ أحسن طريقة لكسر الصيام هى أكل حاجة بسيطة. التمر من أشهر الاقتراحات لأنه بـ
يرفع مستوى طاقة الجسم نتيجة السكر اللي داخله. حاجة ثانية هى طبق الشوربة علشان
تدفئ معدتك وتجهزها للأكل.
من
الأفضل أنك تنتظر وقت قصير قبل بدء الأكل. معظم الصائمين اللى بـ يأكلوا كثير فى
وقت قليل بـ يحسوا أن شهيتهم للأكل اختفيت بسرعة. انتظار ساعة أو حتى اثنين بـ
يخلى فيه فرصة للمعدة أنها تبدأ تشتغل وتستوعب الأكل.
ركز على
الأكل المطبوخ والمشوى فى وقت الأفطار. الأكلات دى أخف على المعدة وأسهل فى الهضم،
وكمان بـ يساعدوا على عدم زيادة الوزن. أما بقى عن إغراء الكنافة والبسبوسة، ده
لازم تقاومه وتركز على الأرز باللبن بدل منهم لأن الحلويات اللى بـ يدخل فى تكوينها
اللبن مفيدة أكثر.
ما
نأكلش إيه؟ أى مقليات، أو سكريات أو دهون، أو الأكل الحراق. الأكلات دى مضرة جدًا
لمعدتك لأن شهر رمضان محتاج طريقة أكل معينة.
المياه
المياه
لها أهمية شديدة حتى بعيدًا عن رمضان، خصوصًا فى الحر ده. أضف على كده حقيقة أنه
فى وقت الصيام مافيش شرب أى مياه لمدة 12 ساعة
فى اليوم ودى حاجة صعبة. علشان كده من المهم أنك تحاول تعوض الساعات دى بشرب كمية
مياه كثيرة بالليل.
فى وقت
الصيام معدلات الجلوكوز فى الدم بـ تقل، ونتيجة لكده مستويات الطاقة كمان بـ تقل
وبالتالى تؤثر على عملية التمثيل الغذائى. المياه عنصر مهم لعمل التوازن ومافيش
غنى عنه.
كسر
الصيام بالمياه علشان تتجنب الجفاف وعلشان تحس بنوع من الراحة بعد يوم طويل
بدون مياه. ما تتعبش نفسك بشرب كميات كبيرة من المياه،
لكن اشرب شوية علشان معدتك الفاضية من الصيام تبدأ تشتغل ويحصل نوع من التوازن مع
الأكل.
بدلاً
من شرب صودا كثير بعد الأكل، اشرب كوب من الماء. إحنا مش بـ نقول أنك ما تقدرش
تستمتع بمشروبات رمضان المحبوبة، لكن ركز على المياه أكثر من المشروبات المسكّرة.
بالليل اشرب
مياه، روح على المطبخ واشرب مياه، اتمشى شوية واشرب مياه، مسلسلك المفضل لسه بادئ اشرب
مياه. المياه، المياه، المياه. مهمة قوى بجد يا جماعة.
الرياضة
ممارسة
الرياضة قبل الأفطار لا ينصح بها، رغم أن ناس كثير بـ تعمل كده، المشكلة أن مفيش
طاقة كافية تقدر تستهلكها فى الوقت ده. الرياضة فى الصيام بـ تعمل إجهاد زائد على
الجسم وضررها أكبر من نفعها.
الأحسن،
روح على الجيم علشان تتمرن بعد الأفطار مباشرة. اشرب طبق من الشوربة وشوية سلاطة
وبعدها ابدأ فى الجرى، بعد كده روّح وتمتع بالوجبة الشهية.
التدخين
من
العادات المفضلة فى رمضان تقضية ليلة كاملة فى خيام سيئة التهوية وأنت بـ تدخن
الشيشة. الموضوع يشبه وصف غرف التعذيب بس المشكلة أن المصريين بـ يعشقوا شرب
الشيشة. رغم أن كلامنا ده أكيد محبط، لكن إحنا بـ نقترح أن رمضان يكون فرصتك للإقلاع
عن التدخين. قضاء نصف يومك من غير ما تدخن أداة مسببة للسرطان ممكن يكون بداية أنك
تبطل تدخين نهائيًا.
النوم
أخيرا وليس آخرًا، هو
النوم كويس بالليل. إحنا عارفين أن التليفزيون مغرى جدًا وأن البلد بـ تفضل صاحية لحد
شروق الشمس، لكن لو عندك شغل لازم تصحى له الصبح يبقى لازم تأخذ كفايتك من النوم.
ده الوقت الوحيد لجسمك أنه يجدد نشاطه ليوم جديد، علشان كده لازم يأخذ راحته.
حافظوا على صحتكم!
مقترح
معالم وسياحة
زاوية أيدكين: حكاية أول خانقاه مملوكية في قلب القاهرة
اثار مملوكية في مصر خانقاه في القاهرة +2
معالم وسياحة
أشهر المساجد التاريخية في القاهرة.. معالم مذهلة بتحكي تاريخ عريق
أشهر مساجد القاهرة أقدم مساجد مصر +5
مطاعم
