The Definitive Guide to Living in the Capital , Cairo , Egypt

من كام سنة فاتوا والدنيا بقت أفضل والحياة بدأت يكون
لها معنى وده كله بسبب ظهور نافورة الشوكولاتة في السوق، ماكينة رائعة بـ تعمل صوص
شوكولاتة لذيذ وشهي.

في الأول كنا بـ نلاقي نافورة الشوكولاتة في الأفراح وحفلات أعياد الميلاد،
لكن دلوقتي ممكن تعيش وتوصل للدوخة بسبب الشوكولاتة في «سيتي ستارز»، «شوكو فولز –
Choco Falls» هو محل صغير زي كشك أمام جولدن سينما في الدور الأرضي في سيتي
ستارز.

«شوكو فولز»
عنده مجموعة متنوعة من الحاجات اللي ممكن تغمس بها الشوكولاتة زي الفاكهة، الكريب،
الوافلز، المارش ميلوز، البراونيز وحاجات كثيرة. «شوكو فولز» بـ يستخدم فقط
الشوكولاتة البلجيكية من بيت الشوكولاتة “كالبوت” وده مشهور من مئات
السنين بجودته العالية.

الناقد طلب
وافل ستيك بـ 10 جنيه، وطبق الفواكة والشوكولاتة بـ 10 جنيه وشوكوميلو كريب بـ 20
جنيه. وافل ستيك على شكل شجرة الكريسماس كانت طرية وإحنا شكينا أن طعم الوافل
لوحده من غير شوكولاتة ممكن يكون مش حلو أو بدون طعم، لكن الشوكولاتة الغامقة اللي
كانت على الوش كانت رائعة وعوضتنا عن طعم الوافل نفسه.

لو عاوز تختار حاجة صحية شوية، ممكن تطلب طبق الفاكهة مع الشوكولاتة. فيه أنواع
فاكهة مختلفة ممكن تطلب منها زي التفاح، الموز، الكيوي، الكانتالوب والمانجو، لكن إحنا
اتضايقنا لما عرفنا أن مافيش فراولة. غمسنا الفاكهة بتاعتنا في الشوكولاتة البيضاء
وكان طعمها رائع ولذيذ خاصة مع طعم الفاكهة المنعش، كان زي ما يكون الجنة في الأرض.

إحنا كنا
مبسوطين ومتحمسين قوي لتجربة شوكوميلو كريب وطلبنا أنها تكون محشية لبن. الكريب
كان صابح واتعمل وقت ما طلبنا وبعدين بـ يحطوا المارشميلو ويغطوها بصوص
الشوكولاتة، رغم أن كان شكلها حلو لكن النتيجة النهائية ما كانتش حلوة. مزيج
المارشميلو مع الكريب كان مالوش طعم وكان محتاج صوص شوكولاتة زيادة علشان يدي له
طعم، لكن الواضح أن محل «شوكوفولز» كانوا مقللين كمية الشوكولاتة علشان ما تبقاش
جرعة مفرطة منها.

العاملين في المحل في سيتي ستارز لطاف، مقابل الفلوس اللي هـ تدفعها هـ
تأخذ قيمة عالية بالسناكس الحلوة الصغيرة. اعمل حسابك وأنت في سيتي ستارز المرة
الجاية تأخذ جرعتك من الشوكولاتة.